М. М. Мусаев компьютер тизимлари ва тармоқлари

2.5. Компьютернинг буйруқлар тизими
Буйруқлар тизими - бу компьютер ишлатадиган тўла буйруқлар рўйхати бўлиб, улар ёрдамида дастурчи маълумотларга ишлов беришнинг ўз алгоритмини ишлатади, яъни ўзининг масаласини ечади. Буйруқлар тўплами, уларнинг хилма-хиллиги компьютернинг имкониятларини, унинг функционал имкониятларини белгилайди.
Юқори даражали тилларнинг (С, Паскаль) қўлланилиши дастурларни тузиш жараёнларини сезиларли енгиллаштиради, лекин уларни тузиш ва ишлатиш учун компьютернинг сезиларли ресурсларини сақлаш, компиляция ва бажариш учун талаб қилади. Дастурлаш даражаси сақланган ҳолда унумдорликни ошириш мақсадида ишлаб чиқувчилар буйруқлар тизим архитектурасини такомиллаштириш усулларини изламоқдалар. Ҳозирги вақтда буйруқлар тизимининг учта турдаги архитектураси ривожланмоқда:

• 
  тўлароқ буйруқлар тўпламини анъанавий CISC-архитектураси (Complex Instruction Set Computer);
  
• 
  буйруқлар тўплами қисқартирилган RISC-архитектураси (Reduced Instruction Set Computer);
  
• 
  ўта катта узунликдаги буйруқлар VLIW-архитектураси (Very Long Instruction Word).
  

80-нчи йилларнинг ўрталаригача деярли барча компьютерлар CISC- архитектурага эга бўлган. Бу архитектура IBM компанияси ўзининг қувватли ҳисоблаш ресурсли майнфреймларида (IBM, ES9000), шунингдек, Intel компанияси ўзининг 8086 ва Pentium модулларида қўллаган.
Процессор буйруқлари тури, машина даражаси анъанавий буйруқларини бир неча турларга ажратиш мумкин, улар 2.2-жадвалда кўрсатилган.
Буйруқ кодининг асосий қисмини манзилли қисм эгаллайди. Агар процессор бир манзилли бўлса, у ҳолда бу ягона манзил ишлов бериладиган операнднинг жойлашган ўрнини кўрсатади. У ердан олим унинг устида ҳисоблаш ҳаракатларни бажариши зарур ва олинган натижани ўша манзил бўйича ёзиши керак. Агар процессор буйруқнинг икки манзилли структурасига эга бўлса, у ҳолда ҳар иккала манзилларда ҳаракатлар амалга оширилиши керак бўлган операндларни хотирада жойлашган ўрнини кўрсатади. Ҳаракатдан кейин натижа манзиллардан бирига ёзилади ёки процессорнинг ички регистрларидан бирида сақланади. Учта манзилли форматда, одатда, иккита операнд биринчи ва иккинчи манзиллар бўйича танланади, натижа эса учинчи манзил бўйича ёзилади.
2.2-жадвал.