M. F. Ziyayeva, O. Z. Rizayeva

Davosi  va  hamshiraning  vazifalari.  Kasallikning  davosi  va 
parvarishi uning og‘ir-yengilligiga bog‘liq.
 
Anemik  formasi  bilan  tug‘ilgan  bolalar  donor  suti  bilan 
boqiladi,  bolaning  siydigi  kuzatib  turiladi,  anemiyaga  qarshi 
vositalar  qo‘llaniladi,  zaruratga  qarab  bo‘lib-bo‘lib  gemo-
transfuziya – qon quyish o‘tkazib turiladi.
 
Kasallikning  profilaktikasi  qiz  farzand  tug‘ilishidan  boshla-
nishi  lozim,  ayniqsa,  u  rezus-manfiy  qonli  bo‘lib  tug‘ilgan 
bo‘lsa.
 
Ana  shu  maqsadlarda  quyidagi  chora-tadbirlar  amalga 
oshirilishi nazarda tutilishi shart:
 
1.  Rezus-manfiy  homiladorlar  sensibillashib  qolishiga  yo‘l 
qo‘ymaslik uchun qiz va juvonlarga qon quyiladigan bo‘lsa, har 
safar retsipiyentlarning qon guruhini va rezus-faktorini hisobga 
olish.
 
2. Pala-partish qon quyishlardan  asrash:
 
Antitelolar  titri  (miqdori)  keyingi  homiladorlik  sayin  ortib 
boradi,  bu  esa  keyingi  homilalarning  erta  o‘lib  qolishiga  yoki 
kasallikning og‘ir formalari bilan tug‘ilishiga olib kelishi mum-
kin.
 
3.  Qoni  rezus-manfiy  bo‘lgan  ayol  birinchi  homilador 
bo‘lganida  homilasini  saqlab  qolishning  hamma  choralarini 
ko‘rish, chunki birinchi bola, odatda, sog‘lom bo‘lib tug‘ilishi 
mumkin.
 
4.  Ayollar  konsultatsiyasida  homiladorlarning  hammasi 
tekshirilib,  rezus-faktori,  shuningdek,  rezus-antigenga  qarshi 
antitelolari bor-yo‘qligini aniqlash, akusherlik anamnezi yaxshi 
bo‘lmagan (bolasi tushgan, bolasi o‘lik holda yoki chala bo‘lib 
tug‘ilgan va hokazo) ayollarga alohida ahamiyat qaratish.
 
5. Bolaning gemolitik kasalligining oldini olish uchun rezus-
manfiy faktori bo‘lgan hamma ayollarga tug‘uruq yoki abortdan 
keyingi 1-kuni antirezus-gammaglobulin yuborish.
 
6.  Qonidagi  rezus-antitelolar  titri  yuqori  bo‘lgan  homila-
dorlarda kasallikning oldini olish maqsadida homiladorlikning 

---

 
94 
37–39-haftasida  bolasini  Kesarcha  kesish  operatsiyasi  yo‘li 
bilan olish.
 
7.  Antirezus-antitelolarining  titri  yuqori  bo‘lgan  homilador 
ayollarni homiladorlikning 8, 16, 24, 28, 32 haftalarida 12–14 
kunga  tug‘uruq  oldi  bo‘limiga  yotqizib,  nospetsifik  davo 
o‘tkazish (glyukozaga askorbinat kislota, kokarboksilaza qo‘shib 
venadan  yuborish,  rutin,  vitamin  E,  B
6
,  kalsiy  glyukonat 
inyeksiya  qilib  turish,  kislorod  bilan  davolash,  antianemik 
terapiya o‘tkazish) buyuriladi.