M. F. Ziyayeva, O. Z. Rizayeva

1.11. Muskul tizimini baholash
 
 
Muskul  tizimini  baholash  uchun  muskullarning  kuchi  va 
tonusi  aniqlanadi.  Katta  yoshdagi  bolalarning  kuchi  dinamo-
metr  asbobida  o‘lchab  aniqlanadi.  Kichik  yoshli  bolalarning 
muskul kuchini esa taxminan, ya’ni bolaning biron bir harakat 
uchun  sarflaydigan  kuchi  yoki  o‘yinchoqlarni  qancha  vaqt 
ushlab  tura  olishiga  qarab  aniqlash  mumkin.  Muskul  tonusi 
muskul to‘qimasini paypaslab ko‘rish bilan, shuningdek, passiv 
harakatlar  vaqtidagi  paydo  bo‘ladigan  qarshilikka  qarab 
aniqlanadi. 
 
Muskul  tizimining  normal  rivojlanayotganligini  boladagi 
harakat  funksiyalarining  o‘z  vaqtida  paydo  bo‘layotganligiga, 
ya’ni  uning  o‘z  vaqtida  boshini  tuta  boshlashi,  o‘tira  olishi, 
emaklashi,  oyoqqa  turishi  va  yurib  ketishiga  qarab  bilib  olish 
mumkin.