M. F. Ziyayeva, O. Z. Rizayeva

1.9. Shilliq pardalarni baholash
 
 
Sog‘lom  bolalarning  shilliq  pardalari  pushti  rangda,  toza, 
silliq va yuzasi nam bo‘ladi. Ko‘z shilliq pardasi (konyunktiva) 
ni  ko‘zdan  kechirish  uchun  quyi  qovoq  pastga  tortib  turib 
ko‘riladi. 
 
Og‘iz shilliq pardasi shpatel yordamida ko‘zdan kechirilishi 
va buning bolaga yoqmasligini hisobga olib uni tekshirishning 
oxirida  bajargan  ma’qul.  Bunda  lunj,  milk,  til,  shuningdek, 
bodomcha  bezlarning  shilliq  pardalari  diqqat  bilan  ko‘zdan 
kechiriladi  va  baholanadi.  Og‘iz  shilliq  pardalarining  oqargan 
yoki qizargan bo‘lishi, quruqshab turishi, chaqalashganligi, har 
xil  karash  bog‘lashi  va  qon  quyilish  belgilarining  aniqlanishi 
bolada qandaydir kasallik borligidan darak beradi. 
 
Tili  toza,  pushti  rang,  nam,  so‘rg‘ichlari  sezilarli  darajada 
bo‘rtgan bo‘lishi kerak. Bola ekssudativ diatez bilan og‘riganda 
ko‘pincha 
«geograflk til» deb ataluvchi belgi - shakli noto‘g‘ri, 
yo‘1-yo‘l  oqish,  xuddi  geografik  xaritani  eslatuvchi  dog‘lar 
paydo  bo‘ladi.  Emizikli  bolalarda  og‘iz  shilliq  pardasining 
zamburug‘li  yallig‘lanishida  butun  og‘iz  shilliq  pardasi,  til  va 
tanglayni oq qattiqsimon karash qoplaydi. Me'da-ichak yo‘li va 
isitmali kasalliklarda esa tilni kulrang namroq karash qoplaydi.