M. F. Ziyayeva, O. Z. Rizayeva

I daraja (kompensatsiyalashgan). Ahvoli o‘rtacha og‘irlikda. 
Es-hushi joyida. Bola bezovta, yotog‘ida qulay joy topolmaydi, 
bezovta bo‘lganda vaqt-vaqti bilan inspirator hansirash va quv-
quv  yo‘tal  kuzatiladi.  Tinch  holatda  nafas  ravon,  ko‘krak 
qafasining  tortilgan  joylari  yo‘q.  Tovush  bo‘g‘iq.  Teri  rangi 
odatdagidek.  Yurak  urishi  soni  yoshiga  nisbatan  5-10%  ga 
oshishi mumkin.
 
II  daraja  (subkompensatsiya  davri).  Umumiy  ahvoli  og‘ir. 
Bola  qo‘zg‘aluvchan,  bezovta,  uyqusi  buzilgan.  Stridor, 
shovqinli  nafas,  xurujli  qo‘pol  quv-quv  yo‘tal.  Inspirator 
hansirash  ko‘krak  qafasining  tortilishi  bilan  kuzatiladi,  uyqu 
chuqurchasi  ham  tortilgan,  burun  qanotlari  kerilgan.  Tovush 
xirillagan yoki bo‘g‘iqlashgan. Teri qoplamlari oqargan, perioral 
sianoz bilan, yurak urishlari soni 10-15% ga oshgan.