M. F. Ziyayeva, O. Z. Rizayeva

Teri kasalliklari – bolalarda ikki xil ko‘rinishda: yiringsiz va 
yiringli yoki piodermitlar (mop – yiring, derma – teri degani) 
–  terining  yiringli  kasalliklari  ko‘rinishida  bo‘lishi  mumkin. 
Terining  yiringsiz  kasalliklariga  chaqaloq  va  go‘daklar  terisiga 
issiqlik toshishi va terining bichilishini misol keltirish mumkin.
 
Teriga issiqlik toshishi – aksariyat hollarda semiz bolalarda, 
tashqi muhitning harorati yuqori bo‘lgani holda bolani ortiqcha 
o‘rab yo‘rgaklash, kun issig‘ida uzoq vaqt beshiklarga yotqizib 
qo‘yish  va  boshqa  sabablarga  ko‘ra  kelib  chiqadi.  Yuqoridagi 
sabablar  natijasida  ter  bezlari  chiqarish  yo‘llarining  teri  shox 
qatlamidan o‘tuvchi qismlari bekilib qolishi va ana shu yerlarda 
terning turib qolishi kuzatiladi.
 
Belgilari  –  gavda,  bo‘yin  terisi,  tabiiy  burmalarda  tariq 
donalariday  keladigan  mayda  pufakchalar  paydo  bo‘ladi, 
ularning  atrofidagi  teri  o‘zgarmaydi  va  qichishmaydi.  Bir 
kecha-kunduzda nom-nishonsiz yo‘qolib ketishi mumkin.
 
Ko‘plab  ter  chiqib  turishi  va  epidermis  butunligining 
buzilishi piodermiyalar paydo bo‘lishiga imkoniyat yaratadi.
 

---

 
98 
Ushbu  holatni  bartaraf  etish  uchun  keltirib  chiqargan 
sabablariga  qarshi  choralar  ko‘riladi,  bolani  uy  haroratini 
normaga  keltirgan  holda  ochib  qo‘yiladi,  bolalar  upalaridan 
badaniga sepib turiladi.