M. F. Ziyayeva, O. Z. Rizayeva

Davolash va hamshiraning p
аrvаrishi. Bichilishning davosini 
o‘tkazish hamshiradan katta mas’uliyat talab etadi. Chunki har 
bir  aytilgan  va  tayinlangan  muolajaning  bekamu  ko‘st  baja-
rilishini ta’minlash va kuzatish uning zimmasidadir. Davolash 
jarayonida  bolaning  erkin  yo‘rgaklanishi  hammadan  muhim 
hisoblanadi,  chunki  bunda  teri  ortiqcha  ta’sirlanish  va 
ishqalanishdan saqlanadi.
 
Bichilishning  birinchi  darajasida  qizargan  sohalarga 
streptotsid, talk, bolalar prisipkasi(kukuni) sepib turish, teriga 
baliq,  paxta,  kungaboqar,  bodom  yoki  shaftoli  moylari 
(chuchitilgan  holda),  bolalar  kremi  surtib  turish  kerak. 
Ultrabinafsha  nurlardan  foydalanish  va  bolani  ochiq  usulda 
davolash yaxshi natija beradi.
 
Bichilishning  ikkinchi  darajasida  teriga  0,25%  li  kumush 
nitrat,  0,5%  li  rezorsin,  1-2%  li  tanin,  0,1%  li  rivanol  bilan 

---

 
99 
malham  qo‘yish,  streptotsid  yoki  bolalar  kukuni  sepib  turish, 
ochiq holda davolash olib boriladi.
 
Bichilishning uchinchi darajasida esa yuqoridagi muolajalar 
qunt bilan olib boriladi, ultrabinafsha nurlardan va ochiq usulda 
davolashdan  keng  foydalaniladi.  Davolashning  avvalida  turli 
moylar,  malhamlar,  primochkalardan  foydalaniladi.  Terining 
pilchirashi va suv ajratishi kamaygach, qurituvchi vositalardan 
foydalaniladi.
 
Bichilishning qanday darajasi bo‘lmasin, davolash jarayonida 
bolani yo‘rgaklashda kleyonkalarni ishlatishga yo‘l qo‘yilmaydi.