M. F. Ziyayeva, O. Z. Rizayeva

Teri  bichilishi  –  aksariyat  chaqaloqlar  va  hayotining 
dastlabki  oylarini  yashab  kelayotgan  bolalarda  uchraydi  va 
tabiiy  burmalar,  dumba  va  ko‘pincha  jinsiy  a’zolar  sohalari 
bichilishi bilan namoyon bo‘ladi.
 
Teri bichilishi, asosan, tibbiyot xodimlari va ota-onalarning 
parvarishdagi nuqsonlari natijasidir.
 
Belgilari: bichilishning qanchalik ko‘pligi va tarqalganligiga 
qarab uch darajasi ajratiladi:
 
I  darajali  yengil  bichilish  –  bunda  terining  butunligi 
buzilmagan, biroz qizarish ko‘zga tashlanib turadigan bo‘ladi.
 
II  darajali  o‘rtacha  og‘ir  bichilish  –  bunda  teri  anchagina 
qizargan,  shilinish  va  chaqalanishga  moyil  sohalar  paydo 
bo‘lgan va ba’zi sohalarda eroziyalar hosil bo‘ladi.
 
III  darajali  og‘ir  bichilish  –  bunda  terida  qip-qizarish  va 
buning ustiga terining pilchirab, shilingan yuzasidan moysimon 
suyuqlik chiqib turishi kuzatiladi. Bolaning umumiy ahvoli ham 
o‘zgaradi, u injiq, bezovta, uyqusiz bo‘lib qoladi.
 
Bichilish chaqaloq va go‘daklardagi ekssudativ kataral diatez 
(bichilishga moyillik)ning belgisi bo‘lishi ham mumkin.