М. Ф. Хакимова н. Х. Лутфуллаева

 IX БОБ 
________________________________________________________________ 
 
МАХСУС ФАНЛАРНИ ЎҚИТИШДА ҚЎЛЛАНИЛАДИГАН 
ИННОВАЦИОН ТЕХНОЛОГИЯЛАР 
__________________________________________________________________ 
Режа
9.1.Ўқув лойиҳаси ва унинг мазмуни.
9.2.Лойиҳавий таълимнинг асослари. 
9.3.Ўқув-лойиҳавий фаолият.
9.4.Ўқув лойиҳасининг услубий паспорти.
 
9.1.Ўқув лойиҳаси ва унинг мазмуни 
Таълим жараѐнида янги педагогик технологияларни қўллашда ўқув 
дастури мазмунининг мукаммаллиги, дарслик ҳамда ўқув қўлланмаларнинг 
замонавий талаблар асосида яратилганлиги, ўқув режаси моҳиятининг назарий 
ва амалий жиҳатларига кўра ягона мақсадга эришиш учун хизмат қилиши,
машғулотларни самарали ташкил этиш имконини берувчи педагогик шарт– 
шароитларнинг мавжудлиги, педагог ва талабалар ўртасида самимий, ижобий 
муносабатларнинг қарор топиши каби масалалар инобатга олинади. 
Муайян ўқув машғулоти жараѐнининг лойиҳасини ишлаб чиқиш 
қуйидаги босқичлардан иборат бўлади: 
1-босқич.
Таълим жараѐнини лойиҳалашнинг дастлабки босқичи ўқув 
предметининг мундарижасидан жой олган мавзу ѐки фаолият мазмунига доир 
манбаларни ўрганиш, чунончи, материалларни йиғиш ва уларни моҳияти билан 
танишиб чиқиш, уларда илгари сурилган ғояларни умумлаштириш, 
туркумлаштириш ҳамда яхлитлашдан иборат. 
Ўқув предметининг мавзуси ѐки фаолият мазмунига доир манбалар 
моҳиятини ўрганиб чиқиш педагог учун талабалар эътиборига тақдим 
этилаѐтган мавзу хусусида уларга батафсил, мукаммал маълумотларни бера 
олиш, таълимнинг умумий жараѐнини тасаввур этиш имконини бера олади.
2-босқич. 
Иккинчи босқич ўқув предметининг мавзуси (фаолият 
мазмуни) юзасидан ягона, умумий мақсадни аниқ белгилаш, умумий мақсад 
доирасида кичик бўлим (банд)лар бўйича ҳал этилувчи хусусий мақсадларни 
ҳам белгилаш, таълим мақсадига эришиш йўлида ижобий ҳал этилиши лозим 
бўлган вазифаларни ишлаб чиқишга йўналтирилган. 
Таълим мақсади ва вазифаларининг аниқ, пухта белгилаб олиниши 
ўқитувчи, шунингдек, талабалар фаолиятини муайян йўналишга солиш, таълим 
мақсадига эришишда вақтдан унумли фойдаланиш, таълим жараѐнида юзага 
келиши мумкин бўлган дидактик ва тарбиявий муаммоларнинг олдини олиш, 
мавжуд шарт–шароитлардан оқилона фойдаланишга замин ҳозирлайди. 
Иккинчи босқич натижаси ўқув предметининг мавзуси бўйича ягона, умумий 
ҳамда хусусий мақсадлар, шунингдек, вазифаларни қайд этиш билан 
тавсифланади. 

---

110