М. Ф. Хакимова н. Х. Лутфуллаева

5-босқич. 
Навбатдаги босқичда талабалар тамонидан билим, малака, 
кўникмаларнинг ўзлаштирилиши учун етарли дея белгиланган вақт ҳажми, 
яъни талабаларда муайян мавзу (фаолият мазмуни) юзасидан маълум тушунча, 
кўникма ва малакаларнинг қанча вақт оралиғида ўзлаштирилиши мумкинлиги 
аниқланади. 
6-босқич. 
Бу босқичда топшириқлар тизими ишлаб чиқилади. Босқич 
натижаси сифатида ишлаб чиқилган топшириқлар тизимининг самарадорлигига 
алоҳида эътибор бериш талаби мазкур босқичнинг асосий шарти ҳисобланади. 
Мазкур босқичда ишлаб чиқилган машқлар тизимини қуйидаги 
гуруҳларга бўлиш мақсадга мувофиқдир: 
машғулот жараѐнида ўқувчилар тамонидан ечилиши лозим бўлган 
машқлар; 

---

111 
дарсдан ташқари шароитларда бажарилиши кўзда тутилган машқлар 
(уй вазифалар). 
Талабалар эътиборига ҳавола этилаѐтган машқлар бир-бирини 
тўлдириши, ўзаро алоқадорлик, боғлиқлик ва энг муҳими эволюцион хусусият 
касб эта олиши лозим. 
7–босқич. 
Таълим жараѐнини лойиҳалаштиришнинг еттинчи босқичида 
талабаларнинг умумий фаолиятларини назорат қилиш ва тест тизимини ишлаб 
чиқиш каби вазифалар амалга оширилади. 
Назарий ва амалий жиҳатдан тўғри бўлган тест тизимининг ишлаб 
чиқилиши талабаларнинг мавзу (фаолият мазмуни) юзасидан маълум 
тушунчаларни ўзлаштириш, шунингдек, амалий кўникма ва малакаларни 
шакллантира олганлик даражаларини аниқ ва холис аниқлай олиш имконини 
беради. Тест тизимини ишлаб чиқишда тестларнинг изчил, узвий ҳамда бир– 
бирлари билан уйғун бўлишларига аҳамият бериш зарурдир. 
8-босқич. 
Таълим жараѐнини лойиҳалашнинг сўнгги босқичи яратилган 
лойиҳа (андоза)нинг таълим жараѐнига тадбиқ этилиши, таълим жараѐнининг 
якуний даражасини ўрганиш билан ниҳояланади. 
Мазкур босқичда таълим жараѐнининг умумий аҳволи, эришилган ютуқ 
ҳамда йўл қўйилган камчиликлар, уларнинг юзага келиш сабаблари таҳлил 
этилади, навбатдаги Машғулотлар жараѐнида содир бўлган камчиликларни 
олдини олишга қаратилган чора–тадбирлар белгиланади.