М. Ф. Хакимова н. Х. Лутфуллаева

1. Командада ўқитиш. 
Бунда (Р.Славин)да талабалар тенг сонли иккита командага ажратилади. Ҳар 
иккала команда бир хил топшириқни бажаради. Команда аъзолари ўқув 
топшириқларини ҳамкорликда бажариб, ҳар бир талаба мавзудан кўзда 
тутилган билим, кўникма ва малакаларни ўзлаштиришига эътиборни қаратади. 
Ҳамкорликда ўқитиш технологияси муваффақиятларидан бири бўлган 
Р.Славиннинг таъкидлашича, талабаларга топшириқларни ҳамкорликда 
бажариш учун кўрсатма берилиши етарли эмас. Талабалар ўртасида том 
маънодаги ҳамкорлик, ҳар бир талабанинг қўлга киритган муваффақиятидан 
қувониш, бир-бирига сидқидилдан ѐрдам бериш ҳисси, қулай ижтимоий-
психологик муҳит вужудга келиши зарур. Мазкур технологияда талабаларнинг 
билимларни ўзлаштириш сифатини аниқлашда уларни бир-бири билан эмас, 
балки ҳар бир талабанинг кундалик натижаси аввал қўлга киритилган натижа 
билан таққосланади. Шундагина талабалар ўзининг машғулот давомида 
эришган натижаси командага фойда келтиришини англаган ҳолда масъулиятни 
ҳис қилиб, кўпроқ изланишга, билим, кўникма ва малакаларни пухта 
ўзлаштиришга интилади. 
Ўқитувчи командалар учун ўқув топшириқларини мавзу бўйича 
талабаларнинг ўзлаштирган билимларини аниқлаш учун тест саволларини 
тузиб бўлгандан сўнг, мазкур машғулотнинг боришини лойиҳалаштириши 
керак. 
2. Кичик гуруҳларда ҳамкорликда ўқитиш (Р.Славин, 1986).
 
Бу ѐндашувда кичик гуруҳлар 4 та талабадан ташкил топади. Ўқитувчи 
аввал мавзуни тушунтиради, сўнгра талабаларнинг мустақил ишлари ташкил 
этилади. Талабаларга берилган ўқув топшириқлари 4 қисмга ажратилиб, ҳар 
бир талаба топшириқнинг маълум қисмини бажаради. Топшириқ якунида ҳар 
бир талаба ўзи бажарган қисм юзасидан фикр юритиб, ўртоқларини ўқитади, 
сўнгра гуруҳ аъзолари томонидан топшириқ юзасидан умумий хулоса 
чиқарилади. Ўқитувчи ҳар бир кичик гуруҳ ахборотини тинглайди ва тест 
саволлари ѐрдамида билимларни назорат қилиб баҳолайди. 

---

65 
Талабаларнинг кичик гуруҳлардаги ўқув фаолияти ўйин (турнир, 
мусобақа) шаклида, индивидуал тарзда ҳам ташкил этилиши мумкин. 
Ўқитувчи янги мавзуни тушунтириб бўлганидан сўнг, талабаларни кичик 
гуруҳларга ажратиб, уларга қуйидаги топшириқларни бажаришни тавсия этади. 
Шуни қайд этиш керакки, кичик гуруҳлар ўқув материали юзасидан 
тузилган ягона топшириқни бажарадилар. Кичик гуруҳ аъзолари ўқув 
топшириқларини ўзаро бўлиб оладилар.