M. DÁWletov, A. DÁWletov, Z. IsMAylova, A. DÁWletova

MODAL SÓZLERDI TÁKIRARLAw
Sorawlarǵa juwap beriń
1. 
Modal sózler dep nege aytamız?
2. Modal sózler qanday mánilerdi bildiredi?
3. Modal sózler gáp aǵzası bola ma?
4. Modal sózler qanday jaǵdayda kiris aǵza bolıp keledi?
275-shınıǵıw.
Oqıń. Modal sózlerdi tawıp, olardıń sóylewshiniń 
pikirine qatnaslı qanday mánide qollanılıp turǵanın túsindiriń.
1. — Meyli, onda men baslıqlar menen sóylesip kóre-
men, — dedi. 2.— Demek, barmaytuǵın boldım ba? — dep 
oyladım men. 3. Itimal, ol úyinde shıǵar. 4. Ol anası tárep-
ten biraz jaqın eken, shaması, bóleleri bolsa kerek. 5. Múm-
kin, Hasıldıń awılınan shıǵar. 
(Sh. A.)
6. Álbette, bilmewińiz 
itimal, Rámet aǵay. 7. Xojalıqtıń sanı kóbeyip, fermanıń sáni 
kirip qalıptı, qullası. 
(G. I.)
8. Bálkim, olar dım úndespey, til 
biriktirip júrgen shıǵar. 
(Ó. X.)
276-shınıǵıw
. 
Tómendegi modal sózlerdi qatnastırıp gáp dúziń. 
Gáptegi pikirge olardıń qanday mánide qatnas jasap turǵanın aytıń.
M o d a l s ó z l e r :
múmkin, bálkim, álbette, máselen, 
shınında da, itimal, sózsiz.
TAńLAQ HÁM ELIKLEwIS
H
SÓZLERDI 
TÁKIRARLAw
Sorawlarǵa awızsha juwap beriń
1. Qanday sózlerdi tańlaq sózler deymiz? Olar qanday 
sózlerdiń toparına kiredi?
2. Tańlaqlardıń quramına qaray túrlerin aytıń.
3. Tańlaqlardıń mánisine qaray bóliniw túrlerin aytıń.
4. Qanday sózler eliklewish sóz boladı?
5. eliklewish sózlerdiń quramına qaray túrlerin aytıń.
6. Eliklewish sózler qanday túrlerge bólinedi?

---

150
277-shınıǵıw.
Oqıń. Tańlaqlardı mánisine qaray ajıratıp aytıń.
1. Ah, Dolan, Dolan. Tyan-Shannıń aybatlı asırımı. 
2. Yapırmay-a, zor ekenseń ǵoy, — dep tańırqandı birew. 
3. — Bay-buw, muzlap qalıpsań ǵoy. Toqta, jılıtıp jibere-
yin, — dep qolımdı paltosınıń qoynına tıqtı. 4. —Haw, bunıń 
ne, jora. 5. Yapırmay-á, bul bir qolaysız boldı-aw. 
(Sh. A.)
Pay, 
ózińiz kútá qayırqom, teńi joq adamsız daǵı. 7. Bárekella, 
jábir shekken adamlar, shıdańlar. 8. Átteń, usı waqıtta Zerxan 
bolar ma edi. 9. Ilayım, ala awızlıq bolmaǵay, shıraǵım.