M. DÁWletov, A. DÁWletov, Z. IsMAylova, A. DÁWletova

262-shınıǵıw.
 
Úyge tapsırma.
Berilgen gáplerdi tuwra orın tártip 
boyınsha kestege túsiriń.
1. Alısta ǵawdıyıp júretuǵın kombaynlar da kórinbeydi. 
2. Ańızlarǵa ele mallar jayılmaǵan edi. 2. Jaqın waqıtlarda 
jawın-shashınlı kúnler baslanadı. 3. Sońınan bul jerlerdi qırpıq 
qar basadı. 
TIL ÓSIRIw
263-shınıǵıw.
 
Tómendegi úzindilerdi dıqqat penen oqıp shıǵıń. 
Adamlardıń sırtqı kórinisin, is-háreketin hám t.b. belgilerin súwret-
lewge qanday sózlerdiń qollanılatuǵınına dıqqat etiń.
I
Áziz Shúkúrullaev — arıq-turıqtan kelgen, sulıwshıq qoyıw 
qaslı, qara kózli shaqqan jigit. Ázizdiń ákesi Shúkúrulla 
temirshi usta Abdulla degenniń kórigin basıp, kómirin tasıp 
júretuǵın jumısshı edi.
Tóbesi kúnge kúygen, etegin kir basqan ala taqıyanıń ǵır 
dógeregine oramaldı orap alıp, qısta da, jazda da bir júrisi 
edi. Kiyimleri jupını bolǵan menen, buwday reńnen kelgen 
bardamlı jigit edi. Qolıńnan kelmeytuǵın nársesi joq edi. Saz-
sáwbet, oyın-kúlki menen ádep-ikramlı, wádege ıqırarlı bolıw 
jaqsı ádeti edi.
Hamid zerger tuńǵısh ulı Shúkúrullanı ádep-ikramlı etip 
saqladı. Kishi jasınan sazendege shákirt etip berdi. Shúkúrulla 
oǵada jaqsı muzıkanı súygen, duwtar shertkish jigit bolıp ósti. 
Shúkúrulla duwtar shertkende búlbúlgóyalar da táslim bolar 
edi.
Shúkúrulla tuǵırǵa qonǵan qarshıǵaday, sol ayaqtıń ústine 
minip otırar edi. Qumartıp qolıńa duwtar alar edi. Kózleri 
masaladay jaltıldap, alma beti gúl-gúl janıp qushtarlanar edi. 
(J. A.)

---

143
II
Aysholpan kámalǵa keldi. Múláyim minezli, qıyqash qaslı, 
qara kóz qız boldı. Onıń qolań shashı tallanǵan jipektey 
jawırının jawıp tur. Qızǵısh dóngen almaday betiniń ústinde 
turǵan noqattay qalı júzikke qas qondırǵanday jarasadı. Badam 
qabaǵınıń astında kóz jiyegine qatara ósken kirpik qıyılǵan 
qasqa sulıwlıqtıń tamǵasın basıp qoyǵanday kórinedi.
Keń jawırınlı, ay júzli Aysholpan jımıyıp qarap, mıyıq 
tartqanda, juldızlar jımıńlap ketkendey bolar edi. Aq tamaǵı 
búlkildep, sóylegende sulıw diydarına súysine qaraysań. Sulıw 
sımbatı millionlaǵan adamlardı tań qaldırar edi. Kózinde 
ıshqınıń otı, miyirbanlıq nurı bar. Ísıq júzine kóziń túskende 
júregińe jaǵımlılıq payda bolǵanday seziledi.
Hinji marjanday dizilgen tis dodaǵınan dúr shasha sóyle-
gende jarq-jurq eter edi. Qızıl erni aq júzine jarasıq berip 
tur. Ay júzli Aysholpandı kórgen jigit júzine bir qaramay 
ketpes edi. Bir ǵana qarap názer salıw emes, sıltawǵa sebep 
tawıp sóylesiwge «Siz, biz»,-degen bir awız sózin esitiwge 
qushtar edi. 
(J. A.)
264-shınıǵıw.
Joqarıdaǵı berilgen úzindilerden paydalanıp, 
ózińizge tanıs adamıńızdıń yamasa óz dostıńızdıń unamlı ádep-
ikramlı háreketlerin bayanlap, súwretleme jazıń.