M. DÁWletov, A. DÁWletov, Z. IsMAylova, A. DÁWletova

§ 46. Baslawısh penen bayanlawıshtıń arasına 
sızıqshanıń qoyılıwı
Baslawısh penen bayanlawıshtıń bildiriliwi hám 
intonaciyasına qaray, olardıń arasına tómendegi jaǵday-
larda sızıqsha qoyıladı:
1. Baslawısh ta, bayanlawısh ta ataw sepligindegi 
atlıq sózlerden bolǵanda, aralarına sızıqsha qoyıladı. 
M ı s a l ı : 1. Atalar sózi — aqıldıń kózi. Perzent — ómir 
gúli. Ómir — eń jaqsı ustaz. 
(«Atalar sózi»)
2. Onıń atı —
Gúlsarı. 
(Sh. A.) 
3. Báhár — sulıwlıqtıń baslawshısı. 
Sulıwlıq — qızlar jılwası, qızlar kúlkisi. 
(G.E.)
2. Baslawısh siltew, geyde betlik almasıǵınan, bayan-
lawısh atlıq sózden bolǵanda yamasa kerisinshe bolıp 
kelse, baslawıshtan keyin sızıqsha qoyıladı. M ı s a l ı : 
Bul — student. Ol — shopan. Anaw — Qarataw. Sizlerdiń 
basshıńız —men.
3. Geyde atawısh bayanlawıshtıń quramında zatlıq 
mánidegi 
bul 
siltew almasıǵı kelgende, baslawıshtan keyin 
sızıqsha qoyıladı. M ı s a l ı : 1. Aral táǵdiri — bul adam 
táǵdiri. Araldı saqlap qalıw — bul hámmeniń isi. 
(«E. Q.»)
2. Diyqannıń hám sharwanıń minneti — bul anıǵında 
adamnıń mútájin qanaatlandırıw. 
(«E. Q.»)
4. Baslawısh ta, bayanlawısh ta sanlıqtan bolǵanda, 
aralarına sızıqsha qoyıladı: 1. Altı jerdegi altı — otız altı. 
2. Bes jerdegi altı — otız.
5. Baslawısh atlıqlasqan kelbetlik hám kelbetlik feyil-
lerden bolıp, bayanlawısh atlıqtan bolsa, baslawıshtan 
keyin sızıqsha qoyıladı. M ı s a l ı : 1. Balasınıń úlke-
ni — Azat, kishkentayı — Abat. 2. Jarısta ozıp shıq-
qan — Marat.
6. Baslawısh atawısh feyilinen, bayanlawısh atlıqtan 
bolsa yamasa kerisinshe bolıp kelgende de aralarına 
sızıqsha qoyıladı. M ı s a l ı : 1. Ilimniń maqseti — iygilikli 
hám kórkem islerdi ámelge asırıw. 2. Barlıq iste aldınǵı 
qatarda bolıw — meniń maqsetim.

---

102