М. А.Ҳамроев она тилидан маърузалар

33–МАЪРУЗА
БОШ ГАПНИ ТЎЛАЛИГИЧА ИЗОҲЛАЙДИГАН
ЭРГАШ ГАПЛАР
Режа:
1. Ҳол тобе (эргаш) гаплар.
2. Ўхшатиш эргаш гаплар.
3. Натижа эргаш гаплар.
4. Қўшма гап турларининг ўзаро маънодошлиги.


1-§. Ҳол тобе (эргаш) гаплар
1. Равиш эргаш гап бош гапдан англашилган иш-ҳаракатнинг қай тарзда бажарилганлигини билдирган эргаш гапдир. Равиш эргаш гап бош гап билан бирга равиш эргаш гапли қўшма гапни ташкил этади: Боғловчи воситалар: -б(-иб), -май, -масдан, деб. Юлдузлар битта-битта сўниб, уфқ оқара бошлади. Наимийнинг бирор иши ўнгидан келмасдан, умри бекорга ўтиб кетди.(Ас.М.) Чамбил обод бўлди деб, келаётир Авазхондай зўравон.(Ф.Й.)
Схемаси қуйидагича:

1. ..............-иб, .................... . 2. ............-май, ................... .

3. ................-масдан, .............. . 4. .................деб, ................. .

2. Пайт эргаш гап бош гапдаги иш-ҳаракатнинг пайтини билдирган эргаш гапдир. Пайт эргаш гап бош гап билан пайт эргаш гапли қўшма гапни ташкил этади. Пайт эргаш гапни бош гапга боғловчи воситалар: У келгунча, ҳамма тарқалган эди. Отлиқлар жарлик оша тепаликлардан кўтарилгандан кейин, чўл бошланди. Собиржон приёмникни энди қўйган эди, эшик тақиллаб қолди. Қушлар тўп-тўп бўлиб учса, ҳаво очиқ бўлади. Схемаси қуйидагича:

1. ..............-ганда, ................ . 2. ..........-ган заҳоти, ............. . 3. ........-ган вақтда, ............ . 4. .........-ган пайтда, ........... . 5. ...........-ган замон, ............ . 6. ..........-гандан кейин, ....... . 7. ......-гунга қадар, ........... 8. ...........-ган эди, ................ . 9. .........-ганича йўқ эди, ....... .

10. ............-ар экан, ............... . 11. ............-са, ......................... . 12. ...........-масдан аввал, ........ . 13. ..............-иб, ....................... . 14. .............-гач, ....................... . 15. ...........-гунча, ..................... . 16. ...........-май, ...................... . 17. .........—иши билан(оқ),........ .