M. A. Xujamberdiyev

17-masala. 
52 yoshli bemor I. ni quruq yo‘tal tutib, isitmasi ko‘tarilgan, u holsizlangan. 
Rentgenda o‘choqli o‘pka yallig‘lanishi borligi aniqlangan. Penitsillin, yo‘talga qarshi dorilar va 
fizioterapevtik davolash muolajalaridan yetarli darajada samara olinmagan. 
Ilgari hech qanday kasallik bilan og‘rimagan. Allergologik anamnezida o‘zgarish yo‘q. 
Obyektiv tekshirilganda ozg‘inroq, auskultatsiyada — o‘pkaning o‘ng tomonida qo‘ltiq osti 
sohasida bronxial nafas eshitilgan. Qon analizi: Hb-120 g/l, L—9, 8X109/l, ECHT— 35 
mm/soat. 
1. Kasallik bor joyni va uning xususiyatini aniqlang, qanday kasallik to‘g‘risida o‘ylash 
mumkin? 
2. Eng foydali tekshirish usulini tanlang? 
a) tuberkulin sinamasi o‘tkazish kerak; 
b) davolashdagi o‘zgarishlarni rentgenda tekshirib ko‘rish zarur; 
v) bronxoskopiya qilish kerak; 
g) bronxografiya qilish kerak; 
d) tomografiya qilish lozim. 
18-masala. 
26 yoshli bemor G. tez charchab qolish va quruq yo‘taldan shikoyat qilib 
vrachga borgan. Yoshligida o‘pka yallig‘lanishi kasalligi borligi tufayli bir necha marta 
davolangan. Obyektiv tekshirilganda o‘pkasida kasallik topilmagan. Rentgenologik tekshirishda 
o‘ng o‘pkaning yuqori qismida chegarasi aniq bo‘lmagan va o‘pka ildiziga tutashgan nogomogen 
qorong‘ilashgan joy aniqlangan. Shu joy atrofida o‘choqli yallig‘lanish aniqlangan. Qon analizi: 
N — 130 g/l, L—9, 9X109/l, formulasida o‘zgarish yo‘q, ECHT—36 mm/soat. 
1. Qanday kasallik haqida o‘ylash mumkin? 
2. Uylagan tashxisingizni qaysi belgilar tasdiqlaydi? 
a) yoshligida o‘pka yallig‘lanishi bilan kup marta ogrigan; 
b) leykotsitar formulada o‘zgarish yo‘qligi; 
v) rentgen tekshirishlarida nogomogen qorong‘ilashgan joy borligi; 
g) kasallik jarayonining o‘pka ildiziga tutashganligi; 
d) qorong‘ilashgan joyda o‘choqli yallig‘lanishning borligi. 
19-masala.
32 yoshli bemor V. yoshligida kasal bo‘lmagan, veterinar, keyingi vaqtlarda 
quruq yo‘talib yuribdi, jismoniy zo‘riqqanda hansirash sezyapti. Rentgenologik tekshirishda o‘ng 

---

o‘pkasining pastki bo‘lagida chegarasi aniq, chekkalari ohaklangan, gomogenli intensiv 
qorong‘ilashgan joy aniqlangan. Qon analizida o‘zgarish yo‘q. Bemorning aytishicha ilgari 
qonida eozinofiliya aniqlangan. 
1. Quyidagi tashxisning qaysi biri bemorga qo‘yilsa to‘g‘ri bo‘ladi? 
a) o‘pkaning periferii raki; 
b) infiltratli o‘pka sili; 
v) o‘pka exinokokki;
g) o‘pka kistasi;
d) o‘pka abssessi. 
2. Bemorga qanday davolash usuli tayinlanadi?