M. A. Xujamberdiyev

 
PERIKARDITLAR 
56-masala. 
45 yoshli bemorda nafas yo‘llarining o‘tkir yalliglanish kasalligidan keyin 
ko‘kragida va yurak sohasida og‘riq paydo bo‘lgan. Nitroglitserin ta’sirida og‘riq to‘xtamagan, 
nafas yetishmovchiligi kuchaygan va shish paydo bo‘lgan. Ilgari kasal bo‘lmagan. Obyektiv 
tekshirilganda nafas olishi minutiga 24 martaga yetgan, o‘pkasida vezikulyar nafas eshitilgan, 
yurak tonlari ritmik, pastroq, yurak qisqarishlari soni minutiga 100 martaga teng. Arterial qon 
bosimi 100/80. Jigarning pastki chegarasi qovurg‘a yoyidan 2 sm pastda, paypaslab ko‘rilganda 
og‘riqli. EKG da sinus ritmining hamma usullarida voltaji pasaygan. Ko‘krak qafasini 
rentgenogramma qilish tavsiya qilinadi. ExoKG da yurakning chap bo‘lmachasi devorining 
qalinlashganligi, bo‘shlig‘i kengayib, klapanlari o‘zgarganligi aniqlanadi.
1. Bemordagi yurak yetishmovchiligiga qaysi kasallik sababchi bo‘lgan? 
a) aterosklerotik kardioskleroz; 
b) aorta teshigining torayishi; 
v) revmatizmdagi mitral klapanlar yetishmovchiligi; 
g) ekssudatli perikardit; 
d) nospetsifik miokardit. 
2. Uylagan tashxisimizni tasdiqlash uchun qanaqa ko‘shimcha tekshirishlar o‘tkazish 
kerak? 
57-masala. 
62 yoshli bemor ko‘p yillardan beri surunkali bronxitdan azob chekadi, uning 
oxirgi qaytalanishida qiyinlik bilan balg‘am ajralib, ko‘kragida og‘riq paydo bo‘lgan, lekin 
ahvolining yomonlashishiga jismoniy zo‘riqish sababchi bo‘lmagan. Nafas yetishmovchiligi 
kuchayishi natijasida «tez yordam» mashinasida kasalxonaga keltirilgan. Obyektiv 
tekshirilganda bemor ozg‘in, lablari ko‘kargan, bo‘yin venalari kengaygan, chap o‘mrov usti 
limfa tugunlari kattalashgan. O‘pkada diffuz quruq xirillashlar eshitiladi. Nafas olishi minutiga 
30 marta. Yurak tonlari past eshitiladi. Yurak qisqarishlari soni minutiga 110 marta, A/B — 
120/90. EKG da voltaji pasaygan. 
1. Bemorda qanday kasallik bor deb o‘ylash mumkin? 
2. Tashxisni aniqlash va davolash uchun qanday tekshirish usullarini ko‘llash mumkin? 
a) limfa tugunlarini biopsiya qilish kerak; 
b) o‘pkani tomografiya qilish zarur; 
v) ExoKG qilish lozim; 
g) perikardiotsentez qilish kerak; 
d) yurak glikozidlarini berish zarur. 
58-masala.
58 yoshli bemor kardiologiya bo‘limida miokard infarkti kasalligi bilan 16 
kundan beri davolanmoqda. Bemorning ko‘kragida birdaniga kuchli og‘riq bo‘lib, og‘riq 
nitroglitserin ta’sirida ham to‘xtamagan. Isitmasi 37,8° ga ko‘tarilgan. Bemorda miokard infarkti 

---

qaytaladi, deb jadal davolash bo‘limiga o‘tkazilgan. Obyektiv tekshirilganda yurak qisqarishlari 
soni minutiga 100 martaga teng. A/B—120/80. Perikardning ishqalanish shovqini eshitiladi. 
EKG tavsiya qilingan. 
1. Qaysi kasallik to‘g‘risida o‘ylash mumkin? 
2. Qaysi davolash usulini to‘g‘ri deb hisoblaysiz?
a) narkotik, og‘riq koldiruvchi dorilar berish zarur; 
b) antibiotiklar berish kerak; 
v) glyukokortikoidlar berish lozim; 
g) nosteroid yallig‘lanishga karshi ta’sir ko‘rsatuvchi dorilar berish zarur; 
d) antikoagulyantlar bchrish kerak.