M. A. Xujamberdiyev

 
ARITMIYA, BLOKADA 
50-masala. 
17 yoshli D. ismli yigit tibbiyot oliygoxiga kirish uchun tibbiy komissiya 
ko‘rigidan o‘tdi. Uzini har doim sog‘lom deb hisoblagan, sport bilan shug‘ullangan, razradi bor. 
Oxirgi oylarda oliygohga kirish imtihonlariga tayyorgarlik ko‘rayotganligi uchun jismoniy 
shug‘ullanishni kamaytirgan. Tomir urishi minutiga 58 marta, aritmik. Arteriya bosimi 115/70 ga 
teng. Ozgina jismoniy zo‘riqishda tomir urishi 75 ga yetgan, ritmik holda qisqaradi. Obyektiv 
tekshirilganda boshka a’zolarida o‘zgarish yo‘q. Qon va siydik analizida, ko‘krak qafasi 
rentgenda tekshirilganda o‘zgarish yo‘q. 
I. Yurak ritmini baholang: 
a) sinusli ritm bo‘lib, Giss tutamining o‘ng oyoq blokadasi bor; 
b) sinusli ritm bo‘lib, bo‘lmacha ekstrasistoliyasi bor; 
v) normal ritm; 
g) sinus ritm bo‘lib, qorincha ekstrasistoliyasi bor; 
d) bo‘lmachaning hilpillashi. 
II. Klinik o‘zgarishlarga baho bering. 
III. Davolashga maslahat bering. 
51-masala. 
37 yoshli bemor terapiya bo‘limiga revmatizm natijasida tushib qolgan. Unda 
ikki tavaqali qopqoq yetishmovchiligi va teshigining torayishi, aorta qopqog‘i yetishmovchiligi, 
katta va kichik qon aylanish doirasi buzilib, dimlanish (distrofiya bosqichi) bo‘lgan. Bundan 3—
4 yil avval yurak urish xuruji kuzatilib, bemor ko‘prok havo yetishmasligidan qiynalgan. 
Keyinchalik bu alomatlar ancha kamaygan. Ma’lumotlar revmatik jarayonning faolligi 
yoki o‘tkir infeksiyali endokardit borligini kursatmagan. Yurak urishi 180 ta, aritmik, puls 
defitsiti 22 ta. 
1. Ritmni aniqlang: 
a) bo‘lmachalarning hilpillashi; 
b) sinusli taxikardiya; 
v) qorincha usti taxikardiyasi; 
g) bo‘lmachaning titrashi; 

---

d) sinusli ritm asosida qorincha usti ekstrasistoliyasi. 
2. Bemordagi aritmiyaning klinik mohiyatini aytib bering? 
3. Davolashga tavsiya bering. 
52-masala.
22 yoshli L. da bir necha yil ilgari surunkali tonzillit borligi agshklangan. 
Jarrohlik yo‘li bilan davolash tavsiya kilingan. Yaqindagina follikulyar angina bo‘lib, 
isitmalagan, yutinganda tomog‘i og‘rigan va og‘riq 3 kun davom etgan. Bemor 5 kun davomida 
biseptol bilan davolanib, furatsillin bilan tomog‘ini chayqagan. Davolanishni to‘xtatgandan 7—8 
kun keyin bo‘shashish alomati paydo bo‘lgan, yurak sohasida noxushlik sezgan. 
1. Ritmni aniqlang: 
a) sinusli ritm asosidagi bo‘lmacha ekstrasistoliyasi; 
b) sinusli aritmiya; 
v) sinusli ritm asosidagi qorincha-bo‘lmacha ekstrasistoliyasi; 
g) II darajali bo‘lmacha-qorincha blokadasi; 
d) I darajali bo‘lmacha-qorincha blokadasi. 
2. Bu o‘zgarishlarning klinik mohiyatini aytib bering. 
3. Davolash uchun tavsiya bering.