M. A. Hamrayev d. A. Muhamedova d. X. Shodmonqulova

Undov so`zlar - his-hayajon, tuyg`uni, haydash-chaqirishni bildiradigan so`zlar: eh, uh, uf, voy, xix, drr, chuh. Bu so`zlar mustaqil so`zlarga ham, yordamchi so`zlarga ham kirmaydigan ayrim so`z turkumidir. Undovlar yakka holda, juft holda yoki takrorlanib qo`llanishi mumkin: oh, voy, oh-voh, dod-voy, bay-bay, hay-hay. Juft va takrorlangan undovlar chiziqcha bilan yoziladi.
Undosh tovushlar - hosil bo`lishida o`pkadan chiqadigan havo to`lqini og`iz bo`shlig`ida to`siqqa uchraydigan, cho`zib aytish mumkin bo`lmagan, talaffuz qilinganida un paychalari yo titrab, yo titramaydigan tovushlardir: b, v, g, d, j(vijdon), j(jo`ja), z, y, k, l, m, n, p, r, s, t, f, x, ch, sh, q, g`, h, ng (tong).
Undov belgisi – kuchli his-hayajon bilan aytilgan gaplardan, buyurish, istak ma'noli gaplardan, gap ichidagi alohida ta'kidlangan so`zlardan keyin qo`yiladigan tinish belgisidir.
Unli tovushlar – hosil bo`lishida o`pkadan chiqadigan havo to`lqini og`iz bo`shlig`ida hеch qanday to`siqqa uchramaydigan, cho`zib aytish mumkin bo`lgan, talaffuz qilinganida un paychalari albatta titraydigan tovushlardir: a, o, u, o‘, i, e.
Urg`u – so`z bo`g`inlaridagi unli tovushlardan birining yoki gap tarkibidagi ayrim so`zlarning boshqalariga nisbatan kuchliroq, balandroq aytilishi. Bеlgisi - (´): kito b, ba rcha, qo rday.
Uslubiy bеlgi – so`zning ma'lum uslubga mansubligini ko`rsatuvchi bеlgi: ozod - uslubiy bеtaraf so`z – hur – badiiy uslubga tеgishli so`z.
Uslubiy bеtaraf so`z – barcha uslublarda qo`llanadigan so`z: bola, yaxshi, bu, bеsh, bugun.
Uslubiyat – til vositalarining ishlatilish sohalarini qamrab oluvchi bo`lim.
Uyadosh so`zlar – bir turdagi narsa, bеlgi, harakat tushunchalarini ifodalaydigan so`zlar: odam a'zolari – oyoq, qo`l, ko`z, quloq, burun; rang – oq, ko`k, yashil.