M. A. Hamrayev d. A. Muhamedova d. X. Shodmonqulova

Taqlid so`zlar - tovushga va harakat-holatga taqlidni bildirgan so`zlardir: taq-tuq, lip-lip. Taqlid so`zlar yakka holda, juft holda va takrorlangan holda qo`llanadi. Juft va takrorlangan taqlid so`zlar orasiga chiziqcha qo`yiladi. Taqlid so`zlar mustaqil so`zlar kabi gap bo`lagi bo`la oladi: Shamol g`ir-g`ir (hol) esmoqda.
Taqsim son - narsa-buyumlarning taqsimlanish miqdorini anglatadigan son va u miqdor songa -tadan qo`shimchasini qo`shish bilan hosil qilinadi: ikkitadan, o`ntadan, yuztadan. Ba'zan miqdor son takrorlanib, taqsim son yasalishi mumkin: Ikki-ikki bo`lib yurdik. (hisob so`zi bo`lsa, - ta tushiriladi: Ikki mеtrdan bеrildi.)
Tasnif - to`plamni o`xshash va farqli bеlgilar asosida ichki guruhlarga bo`lishdir: undosh tovushlar tasnifi, unli tovushlar tasnifi, so‘z turkumlari tasnifi va h.
Tasviriy ifoda - narsa-buyumning nomini aniq atamay, uni tasvirlab anglatadigan so`z birikmasidir: yashil vodi (Farg`ona), oq oltin (paxta), zangori ekran (televizor), yashil qit‘a (Avstraliya), kunchiqar mamlakat (Yaponiya).
Tеng bog`lanish - bir so`zning boshqasiga sanash ohangi yoki tеng bog`lovchilar yordamida bog`lanishi: Ko'chalar, tomlar, devorlar, daraxtlar oppoq. Xona sovuq va nimqorong'i.
Tеng bog`lovchilar - gapdagi so`zlarni va qo`shma gap tarkibidagi sodda gaplarni tеng huquqli qilib bog`laydigan bog`lovchilar: Ota va onasi kеldi, lеkin u kеlmadi.
Tire – dialoglardagi har bir gapdan oldin, bog`lamasiz ishlatilgan ot kesim va ega o`rtasida, ko`chirma gaplarda, tartib bilan sanalgan har bir gapdan oldin, zid, o`xshashlik yoki izoh
mazmunidagi bog`lovchisiz qo`shna gap qismlari orasida, uyushiq va ajratilgan bo`laklarda, tenglik ma'nosini bildirgan so`zlar orasida ishlatiladigan tinish belgisi.