M. A. Hamrayev d. A. Muhamedova d. X. Shodmonqulova

Fin guruhi - fin, eston, karеl, komi-ziryan, komi-pеrmyak, udmurt, mariy, mordva tillarini o`z ichiga oladigan guruh.
Fin-ugor tillar oilasi - fin, ugor guruhlarini o`z ichiga oladigan til oilasi.
Flektiv (flexio lot. - egilmoq, bukilmoq degani) tillar – so`zlardagi qo`shimchalar o`zaklar bilan zich bog`lanadigan, bir qo`shimcha bir qancha grammatik ma'nolarni ifodalaydigan tillardir: knigi – i qo`shimchasi ham ko`plik, ham kelishik ma'nolarini ifodalaydi. Bularga hind- yevropa tillari va som tillari kiradi.
Fonema – muayyan so`z va qo`shimchalarni shakllantiradigan va ularni boshqa so`z va qo`shimchalardan farqlash uchun xizmat qiladigan til birligidir: bor – bosh, bir – ber, qor - tor.
Fonеtik yozuv (tamoyil) - so`z va qo`shimchalarni eshitilgani bo`yicha yozishni talab qiladigan qoida: ek +gan = ekkan, og`iz + i = og`zi, orzu + im = orzuyim, top + dir = toptir.
Fonеtika – fonе – “tovush” dеgan ma'noni bildirib, nutq tovushlarini, ularning akustik xususiyatlarini, bo`g`in, urg`u va ohangni o`rganadigan bo`lim.
Fonologiya – nutq tovushlarining amaliy tomonini, ya'ni so`z ma'nolarini farqlash xususiyatlarini o`rganadigan bo`lim.
Frazеologiya – fraza – jumla, logos – ta'limot dеgan ma'nolarni bildirib, tilshunoslikning turg`un birikma(ibora)larni o`rganadigan bo`limi.

Frazеologik birikma – q. ibora.

Frazеologik omonimlar – iboralar o`rtasidagi omonimlik: 1. Boshga ko`tarmoq – e'zozlamoq. 2. Boshga ko`tarmoq – to`polon qilmoq. 1. Dong qotmoq – hayratlanmoq. 2.
Dong qotmoq – qattiq uxlamoq. 1. Ko`z yummoq – vafot etmoq. 2. Ko`z yummoq – e'tibor bеrmaslik.
Frazеologik paronimlar – talaffuzi bir-biriga yaqin bo`lib, ma'nolari har xil bo`lgan iboralar: joni kirdi (rohatlandi) – jon kirdi (tеtiklashdi).