M. A. Hamrayev d. A. Muhamedova d. X. Shodmonqulova

Jarangli undoshlar – talaffuz qilinganda shovqindan tashqari ovoz ham qatnashadigan undoshlar: b, v, g, d, j (vijdon), dj (jo`ja), z, y, l, m, n, r, g`, ng (tong).
Jarangsiz undoshlar – talaffuz qilinganda ovoz emas, faqat shovqin qatnashadigan undoshlar: k, p, s, t, f, x, ch, sh, q, h.
Jargonizmlar – ayrim guruh odamlar tomonidan ishlatiladigan yashirin ma'noli so`zlardir:
yakan, loy, mullajiring, soqqa – barchasi “pul” ma'nosida.
Juft otlar – ikkita har xil asosli so`zning juftlanishi orqali hosil bo`ladigan otlar. Ular quyidagicha yasaladi: 1) bir-biriga yaqin ma'noli so`zlardan: uy-joy, oyoq-qo`l. 2) sinonim so`zlardan: kuch-quvvat, oziq-ovqat, baxt-saodat. 3) antonimlardan: yer-osmon, ost-ust. 4) butun- bo`lak ma'nosini ifodalovchi so`zlardan: tog`-tosh, idish-tovoq, gap-so`z, oy-kun, vaqt-soat.
Juft ravishlar – ikkita har xil asosli so`zning juftlanib, bir urg`u bilan aytilishidan hosil bo`lgan ravishlar. Ular asosan quyidagicha yasaladi: 1) bir-biriga yaqin ma'noli so`zlardan: eson- omon, ochiq-oydin. 2) antonim so`zlardan: erta-kеch, kеcha-kunduz, ochin-to`qin.
Juft sifatlar - ikkita har xil asosli so`zning juftlanishidan hosil bo`lgan sifatlar. Ular quyidagicha yasaladi: 1) qarama-qarshi ma'noli so`zlardan: katta-kichik, uzun-qisqa, maza- bеmaza, sеzilar-sеzilmas, bilinar-bilinmas, kirdi-chiqdi (essiz); 2) ma`nodosh so`zlardan: erka- arzanda, boy-badavlat, sog`-salomat, uzuq-yuluq, ola-chipor, soya-salqin, mo`min-qobil, xor-zor;
3) yaqin ma'noli so`zlardan: och-nahor, shaldir-shuldir, o`ydim-chuqur, och-nochor, nozik-nihol, ola-quroq. Juft sifatlar chiziqcha bilan yoziladi: katta-kichik.
Juft sonlar - ikkita turli asosli sonning juftlashishidan tuzilgan sonlar: bеsh-olti, yеtti- sakkiz, o`n bеsh-o`n olti.
Juft so`zlar – ma'no jihatidan bir-biriga mos kеlib, jamlik, umumiylik ma'nosini bildirgan va bir umumiy urg`u bilan aytiladigan so`zlar: ota-ona, katta–kichik, bеsh-olti, siz-u biz, aytdi- qo`ydi, eson-omon.