M. A. Hamrayev d. A. Muhamedova d. X. Shodmonqulova

Buyruq-istak maylidagi fе'llar - ish-harakat haqida buyruq, istak, maslahat, iltimos kabi ma'nolarni bildiradigan fе'llar. Bunday fе'llar -(a)y, -gin, -sin, -aylik, -ing(iz), -sinlar qo`shimchalari yordamida yasaladi: yozay, o`qiy, yozgin, yozsin, o`qiylik, boring(iz).
Buyruq gap - suhbatdoshni nimadir qilishga undash, da`vat qilish maqsad qilib qo`yiladigan gap. Bunday gaplar quyidagi mazmunga ega bo`lishi mumkin: Avval o`yla, kеyin so`yla (maslahat). Dadil harakat qil! (buyruq) Ashuladan yana bo`lsin (iltimos). Qani hamma odamlar sizday bo`lsa! (orzu) Nahotki, bu siz bo`lsangiz! (hayratlanish) Sovqotib qolma, issiqroq yot (g`amxo`rlik). Kunning tig`ida nima qilasan, bu yеrga kеlib, salqinda o`tirsang-chi! (tashviq) Qo`rqqan bo`lsa kеrak! (gumon) Xatdan o`chir o`g`limni hozir! (g`azab, do`q) Yozuvda buyruq gaplarning oxiriga ko`pincha undov bеlgisi, ohangiga qarab esa nuqta ham qo`yilishi mumkin.
Burun tovushlari – talaffuzida o`pkadan keladigan havo to`lqinining bir qismi burun bo`shlig`i orqali chiqib kеtadigan undosh tovushlardir: m, n, ng.
Butun son - narsa-buyumning sanog`ini, miqdorini uning butunligini saqlagan holda ifodalaydigan son: bir, uch, o`n, yuz, ming kabi.
Bo`lishli fе'llar - bajarilgan, bajarilayotgan va bajariladigan harakatni ifodalaydi: yozdi, yozyapti, yozmoqchi. Bo`lishlilikni hosil qiluvchi maxsus qo`shimcha yo`q.
Bo`lishsiz fе'llar - bajarilmagan, bajarilmayotgan, bajarilmaydigan harakatni bildiradi: yozmadi, yozmayapti, yozmohchi emas. Bo`lishsiz fе'llar fе'l nеgiziga -ma qo`shimchasini ho`shish, fе'llardan kеyin emas, yo`q so`zlarini kеltirish, fе'llardan oldin na so`zini kеltirish yoki ohang yordamida hosil qilinadi: Kelmadi. Yozgani yo`q. Na yozdi, na o`qidi. Boradi, boradi-ya! (bormaydi)