M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

Yotoq binolari vestibyulida kiyim-bosh va poyabzalni quritish va chamadonlarni saqlash uchun xona bo‘lishi ko‘zda tutiladi.
Yuz-qo‘l yuviladigan xonalarda 8 bolaga 1 jo‘mrak hisobida umivalnik, 12 bolaga 1 ta vanna hisobida oyoq vannalari o‘rnatib, tokchalar qilib, ilgaklar qoqib qo‘yiladi. Qiz bolalarning shaxsiy gigiyena kabineti ikkita otryadga (4 m²) mo‘ljallanadi.
Oshxona (ovqatlanadigan zal) normada bir o‘ringa 0,9 m² hisobidan olinadi. Bino ichiga yoki uning hududida umivalnik o‘rnatiladi. Tibbiy punktga vrach kabineti, tish vrachi kabineti, muolaja xonasi, kutish xonasi (ayvoncha bo‘lishi ham mumkin) kiradi. Izolatorda tashqaridan kiriladigan alohida eshigi bo‘lgan boks tipidagi palatalar, yuqumli kasallar uchun palatalar, muolaja xonasi, shlyuzdagi hojatxona, vanna xonasi, xodimlar uchun va ovqat isitish xonalari bo‘ladi.
Oromgohni suv bilan ta’minlashga alohida e’tibor beriladi. Suv sifati ichimlik suviga qo‘yiladigan sanitariya-gigiyena talab- lariga javob berishi kerak. Isitilmaydigan lagerlarda suv miqdori bir o‘ringa 100 1/ sutkani tashkil etishi zarur.
Kanalizatsiya bo‘lmaganda hovlilarda suv o‘tkazmaydigan o‘ralar qazib, hojatxonalar qurishga ruxsat etiladi.




Izolator, qorovulxona, albatta, markaziy sistemadan yoki pechka yoqib isitilishi kerak. Yozning issiq oylarida o‘rtacha oylik harorat 10—14° C dan oshmaydigan iqlim zonalarida kichik yosh bolalar guruhi yotadigan xonalar ham isitiladi.
Bolalar oromgohlarining kundalik rejimida bolalar va o‘smirlarning yosh xususiyatlarini hisobga olgan holda kun- duzi uxlash, ijtimoiy mehnat faoliyatini to‘g‘ri tashkil etish, bo‘sh vaqt, tabiatning tabiiy omillaridan foydalanish ko‘zda tutiladi.

6.