Луғат. Тузувчилар: Абулқосимов Ҳ. П., Абулқосимов М.Ҳ

Иқтисодий сиёсат
– мамлакат мақсадлари, вазифалари, 
манфаатларига мувофиқ ҳолда иқтисодий ва ижтимоий 
жараёнларга муайян йўналиш бериш, иқтисодиётни давлат 
томонидан тартибга солиш ва бошқариш соҳасидаги давлат, 
ҳукумат фаолиятининг бош йўналиши, тадбирлари тизими. 
И.С. аграр, таркибий, инвестиция, молия-кредит, ижтимоий, 
ташқи иқтисодий фаолият, илмий - техника, солиқ, бюджет 
соҳаларидаги сиёсатни ўз ичига олади.
 
Иқтисодий тараққиёт йўлини мустақил танлаш
– ҳар 
бир мамлакат ўз келажагини ўз имкониятлари ва миллий 
хусусиятларига қараб белгилайди ва унга эришиш 
воситаларини эркин танлайди. 
Иқтисодий таҳдид
– жамият, давлат ва уларнинг 
субъектлари алоҳида шахснинг нормал ҳаёт фаолиятига, улар 
манфаатларини рўёбга чиқаришга тўсқинлик қилувчи, уларга 
зиён, зарар - заҳмат келтирувчи, хавф - хатар туғдирувчи 
омиллар, шарт - шароитлар ва воқеликларни ифодалайди.
 

---

- 183 - 
Иқтисодий тизим – 
бу ҳар бир давр ва маконда амал 
қилинадиган иқтисодий муносабатлар, иқтисодиётни ташкил 
қилиш шакллари, хўжалик юритиш меҳанизми ва иқтисодий 
муассасаларнинг ўзаро узвий боғлиқлик асосида таркиб 
топган 
яхлит 
иқтисодий 
тузилмасидир. 
Иқтисодий 
тизимларнинг таркибий қисмлари ишлаб чиқарувчи кучлар, 
иқтисодий муносабатлар, технология ва ишлаб чиқаришнинг 
табиий шарт - шароитлари, хўжалик юритиш механизлари, 
иқтисодий сиёсатдан иборат бўлади. 
Иқтисодий уклад 
– турли мулкчиликка асосланган 
хўжалик юритишнинг шакллари ва турлари. 
Иқтисодий ўсиш
– ЯММ (ИММ,СММ, МД) миқдорининг 
мутлоқ ва аҳоли жон бошига ҳамда иқтисодий ресурс 
харажатлари бирлиги ҳисобига кўпайишида ва сифатининг 
яхшиланишида ифодаланади. 
Экстенсив иқтисодий ўсиш
– 
ишлаб чиқаришга қўшимча иқтисодий ресурсларни жалб 
қилиш орқали ишлаб чиқариш ҳажмининг ортиб бориши.
 
Устувор экстенсив иқтисодий ўсиш
- Иқтисодий ўсишда 
экстенсив омилларнинг устувор ўрнига эга эканлигини 
билдиради. 
Интенсив иқтисодий ўсиш
– ишлаб чиқариш 
омилларининг мавжуд даражасида, улардан фойдаланиш 
самарадорлигини ошириш орқали маҳсулот ишлаб чиқариш 
ҳажмининг кўпайиб бориши
. 
Устувор интенсив иқтисодий 
ўсиш
- Иқтисодий ўсиш интенсив омилларнинг юқори ўрнига 
эгалигини билдиради.