Луғат. Тузувчилар: Абулқосимов Ҳ. П., Абулқосимов М.Ҳ

Меҳнатнинг фонд билан қуролланганлиги
– қишлоқ 
хўжалик субъектининг бир бирликдаги меҳнат ресурсига 
тўғри келадиган энергетик ресурслар қуввати миқдори. 
Меъёрий таҳлил
иқтисодиётдаги ҳодисаларни ва 
прогнозларни қандай бўлишини тушунтиради. 
Микроиқтисодиёт
- яхлит иқтисодиёт назариясининг 
алоҳида хўжалик субъектлари, тармоқ ва бозорларни 
ўрганишга қаратилган нисбатан кичик даражаси. 
Микрокредит
– хусусий тадбиркорликни ривожлантириш 
ва бошланғич сармояни шакллантиришга бериладиган 
кредитлар. Микрокредитлар: а) юридик шахс мақомига эга 
бўлмаган тадбиркорлик фаолияти учун – энг кам иш ҳақининг 
50 баробаригача; б) микрофирма ва деҳқон хўжаликларига энг 
кам иш ҳақининг 100 баробаригача; в) фермер хўжалигига энг 
кам иш ҳақининг 200 баробаригача берилади. 
Миллий бойлик
– жамият ихтиёрида бўлган барча 
моддий, маданий ва маънавий бойликлар.
 
Миллий бойлик
– 
инсоният жамияти тараққиётида аждодлар томонидан 
яратилган ва авлодлар томонидан жамғарилган моддий ва 
маънавий бойликлар ҳамда фойдаланишга жалб қилинган 
табиат бойликлари.Ишлаб чиқариш фондлари, ноишлаб 
чиқариш фондлари, оборот маблағлари, ер ва сув бойликлари, 
ер ости бойликлар, маданий ёдгорлик ва обидалар, аҳоли уй-
жой ва бошқа шахсий мулк бойликлари ва бошқалар киради. 
Миллий бойлик
– инсоният жамияти тараққиётида 
аждодлар томонидан яратилган ва авлодлар томонидан 
жамғарилган моддий ва маънавий бойликлар ҳамда 
фойдаланишга жалб қилинган табиат бойликлари. 
Миллий валютанинг барқарорлиги, унинг ички 
бозорда эркин алмашинувини таъминлаш йўллари: 

---

- 247 - 
Биринчидан, миллий валютанинг товар (хизмат)лар билан 
барқарор таъминланишига эришиш. Бунда бозорни истеъмол 
моллари билан тўлдириш ва уларнинг умумий ҳажмида 
республикада ишлаб чиқариладиган маҳсулотлар ҳиссасини 
ошириб бориш ҳал қилувчи ўринга эга бўлади. Иккинчидан, 
етарли барқарор валюта заҳираларига эга бўлиш. Бунга 
республика экспорт имкониятини кенгайтириш, корхоналарни 
экспорт учун маҳсулот ишлаб чиқарадиган корхоналарга 
айлантириш ва уларнинг жаҳон бозоридаги мавқеини ошириш 
орқали эришилади. Учинчидан, ишлаб топилган ҳар бир 
сўмни қадрлаш ва халқ хўжалигига сарфланган ҳар бир 
сўмнинг фойда билан қайтишига эришиш. Бунинг учун қатъий 
молия-кредит сиёсатини изчиллик билан ўтказиш зарур. 
Тўртинчидан, пул қадрсизланишига инфляцияга қарши пухта 
ўйланган сиёсат ўтказиш. Бунда ички бозорни моллар билан 
тўлдириш, нақд пул ва кредит эмиссиясининг ўсишига, аҳоли 
қўлида пулнинг ҳаракатсиз туриб қолишига йўл ўқймаслик 
биринчи даражали аҳамиятга эга. 
Миллий даромад 
-
миллий ишлаб чиқаришдан келадиган 
даромад; иқтисоддаги барча турдаги даромадлар жамғармаси. 
У иш ҳақини, рента даромадини, корпорация даромадларини 
қийматдан келадиган соф фоиз ва даромадларни ўз ичига 
олади. Яна ялпи миллий маҳсулот билан асосий капитални 
истеъмоли ҳаражатлари ва қўшимча солиқлар тафовути 
сифатида аниқланади.
 
Миллий даромад
– янгидан вужудга 
келтирилган қиймат бўлиб, СММдан эгри солиқларни чиқариб 
ташлаш йўли билан аниқланади.