Loyiha toshkent davlat yuridik universiteti

Turmalarda jazoni ijro etish tartibi 
 
 
 
Turmalarda  jazoni  o’tash  tartibi  va  shartlari.  Amaldagi  qonun 
hujjatlariga muvofiq ozodlikdan mahrum qilish mahkumni jamiyatdan ajratib 
jazoni ijro etish koloniyasi yoki turmaga joylashtirishdan iboratdir. Turmaga 
qamash  tariqasidagi  ozodlikdan  mahrum  qilish,  jazoning  muayyan  qismiga, 
lekin  besh  yildan  ko’p  bo’lmagan  muddatga:  a)  o’ta  xavfli  retsidivistlarga;  
b) og’ir yoki o’ta og’ir jinoyati uchun besh yildan ortiq muddatga ozodlikdan 
mahrum etishga hukm qilingan shaxslarga nisbatan tayinlanishi mumkin.  
Qayd  etish  lozimki,  turmalar  ozodlikdan  mahrum  qilish  tariqasidagi 
jazoni  ijro  etuvchi  muassasalar  orasida  eng  kam  sonli  va  qadimiy 
hisoblanadi.  “Dastlabki  turmalar  XVIII  asrning  ikkinchi  yarmi  va  XIX 
asrning  boshlarida  Amerika  Qo’shma  Shtatlarining  ‘ensilvaniya  shtatidagi 
Filadelfiya shahrida vujudga keldi. Keyinchalik “Filadelfiya tizimi” deb nom 
olgan turmalarga asos solindi. O’sha davrdagi turma tizimi uchun xarakterli 
bo’lgan  xususiyatlardan  biri  shunda  ediki,  mahkumlar  qanday  jinoyat 
qilishlaridan va jamiyat uchun xavflilik darajasi qanday bo’lishlaridan qat’iy 
nazar  kameralarda  yakka  saqlanar,  hatto  sayrga  olib  chiqishda  ularning 
yuziga  niqob  (maska)  kiydirgan  holda  yakka  tartibda  olib  borilgan. 
‘irovardida  turmada  saqlangan  mahkumlarning  aksariyat  qismi  ruhiy 
kasalliklarga chalinib, o’zini o’zi o’ldirish darajasiga yetgan.