Loyiha O‘zbekiston respublikasi adliya vazirligi toshkent davlat yuridik universiteti

18-MAVZU. SO‘ROQ O‘TKAZISH TAKTIKASI 

 

So‘roq tushunchasi va ko‘rsatuvlarning psixologik asoslari. So‘roq 

qilish  bosqichlari.  Jabrlanuvchi  va  guvohlarni  so‘roq  qilish  taktikasi. 

Gumon  qilinuvchi  va  ayblanuvchilarni  so‘roq  qilish  taktikasi. 

Yuzlashtirib  so‘roq  qilish  tartibi.  Voyaga  etmagan  shaxslarni  so‘roq 

qilish. So‘roq natijalarini protsessual rasmiylashtirish. 

 

So‘roq tushunchasi va ko‘rsatuvlarning psixologik asoslari 

 

So‘roq qilish – paydo bo‘lishiga ko‘ra eng birinchi va qo‘llanilishi 

jihatidan ayniqsa keng tarqalgan tergov harakati. Uning mohiyati so‘roq 

qilinayotgan  shaxsdan  tergov  qilinayotgan  jinoyat  ishi  bo‘yicha 

aniqlanishi va isbotlanishi lozim bo‘lgan holatlar to‘g‘risida ko‘rsatuvlar 

olishdan  iborat.  Uni  samarali  o‘tkazish  uchun  so‘roq  qilinuvchilar 

psixologiyasini  yaxshi  tushunish,  ular  bilan  ishonchli  munosabatlar 

o‘rnata  olish,  yuzaga  kelgan  vaziyat,  so‘roq  qilinuvchining  shaxsi  va 

protsessual  maqomi, ishda  mavjud dalillarni hisobga olgan holda taktik 

usullar va psixologik ta’sir ko‘rsatish metodlarini qo‘llay bilish zarur. 

 

 

Ayblanuvchining  o‘z  aybini  tan  olishi  masalasi  unga  ayb  e'lon 

qilingandan  so‘ng  birinchi  so‘roq  vaqtida  yoxud  shaxsning  o‘z  aybiga 

iqrorligi  to‘g‘risidagi  ariza  bilan  murojaat  etishi  zahotiyoq  yuzaga 

keladi.  Ushbu  bosqichda  ayblanuvchining  o‘z  aybini  tan  olishi 

tergovchini  uning  haqqoniyligini  tekshirish  majburiyatidan  ozod 

qilmaydi.  Chunki  aybga  yolg‘on  iqrorlikning  kech  aniqlanishi  haqiqiy 

jinoyatchilarning yashirinishi uchun sharoit yaratib, haqiqatni aniqlashga 

to‘sqinlik qilishi mumkin. 

Ayblanuvchining  himoya  huquqini  ta'minlash  maqsadida  tergovni 

olib  borayotgan  shaxs  ayblanuvchini  JPK  110-moddasiga  rioya  etgan 

holda  darhol  so‘roq  qilishi  lozim.  Ayblanuvchini  so‘roq  qilish  qonun