Loyiha O‘zbekiston respublikasi adliya vazirligi toshkent davlat yuridik universiteti

So‘roq  qilishda  psixologik  aloqa  o‘rnatish.  Tergovning 

natijadorligini  ta’minlashda  uning  kommunikativ  tomoni  –  muloqot 

uchun qulay psixologik muhit, o‘zaro til topish, unumli muloqot qilishga 

intilish alohida rol o‘ynaydi.  

Psixologik  aloqa  o‘rnatishga  tergovchining  kirishimliligi,  uning 

odamlar  bilan  til  topa  bilish,  so‘roq  qilinuvchilarning  alohida 

xususiyatlari (yoshi, rivojlanish darajasi, fe’l-atvori, tergov qilinayotgan 

ishga  bo‘lgan  munosabati,  kayfiyati  va  h.k.)ni  hisobga  olish,  ularda 

haqqoniy  ma’lumotlar  berish  niyatini  paydo  qilish  qobiliyati  va 

ko‘nikmalari yordam beradi.  

 

Bunda  qarama-qarshi  tomon  muloqotda  ishtirok  etish,  savollarni 

tinglash  va  ularga  javob  berish,  vajlar  va  dalillarni  idrok  etishga  hatto 

nizoli tergov vaziyatida ham tayyor bo‘ladi. Bunday aloqani o‘rnatishga 

tergovchining  xushmuomaladigi  va  xayrixohligi,  jinoyatni  tergov 

qilishga xolisona munosabati, so‘roq qilinuvchini diqqat bilan tinglashga 

tayyorligi ham ko‘maklashadi.