Loyiha O‘zbekiston respublikasi adliya vazirligi toshkent davlat yuridik universiteti

porani berish-olish paytida yoki bergan zahoti amalga 
oshiriladi
.
Qo‘lga olish vaqtida pora oluvchi ashyoviy dalillardan – pora 
predmetidan qutula olmasligi muhimdir. SHeriklarni aniqlash uchun 
qo‘lga olishni pora predmetini uchinchi shaxsga berish yoki pullash 
vaqtida o‘tkazish maqsadga muvofiqdir. Jinoyat ustida qo‘lga olishni 
sinchkov tarzda rejalashtirish zarur. Jinoyat ustida qo‘lga olingandan 
so‘ng pora oluvchini o‘sha zahoti, pora predmeti unga qay yo‘sinda 
kelib tushganligi haqida bahona topmasidan turib so‘roq qilish kerak. 
Bunday holatlarda ko‘pincha pora oluvchi o‘z aybini tan oladi va 
haqqoniy ko‘rsatuvlar bera boshlaydi. 
Tintuv o‘tkazish.
Shaxsiy tintuv va poraxo‘r sheriklarining uy-
joylarini hamda mansabdor shaxsning-pora oluvchining ish joyini tintuv 
qilish mazkur jinoyatni tayyorlash to‘g‘risida guvohlik beruvchi 
hujjatlar va pora predmetlarini, jinoiy yo‘l bilan topilgan moddiy 
boyliklarni topish va olib qo‘yish maqsadida amalga oshiriladi. Odatda 
shaxsiy tintuv va xona tintuvi bir vaqtda amalga oshiriladi. Alohida 
e’tibor poraxo‘rlik sheriklarining aloqasini tasdiqlovchi xatlarga, pochta 
kvitansiyalari, turli xil yozuvlar, telefon nomerlariga qaratilishi lozim. 
Tintuv paytida shuningdek, shifrlangan yozuvlar, shubha ostidagi shaxs 
o‘z aloqasini inkor etuvchi shaxs tushgan fotosuratlarga e’tibor berish 
kerak. 
Hujjatlarni ko‘zdan kechirish juda muhim tergov harakatlaridan 
biridir. Ba’zi bir holatlarda u pora olish-berish holatlariga aloqadorlarni 
aniqlashga imkon yaratsa, boshqa bir holatlarda poraxo‘rlikka yo‘l ochib 
beruvchi hisobotni yo‘lga qo‘yilmaganligini aniqlaydi, uchinchidan 
mansabdor shaxsni pora beruvchining manfaatlarini ko‘zlab ma’lum bir 
harakatlarni amalga oshirganligi yoki oshirmaganligini tasdiqlaydi. 
Hujjatlarni 
ko‘zdan kechirish jinoyatchi kiritgan o‘zgarishlar, 
qalbakilashtirish, hujjatlarni rasmiylashtirishning noodatiyligi, tegishli 
rekvizitlarning mavjudligi, mansabdor shaxsning ish bajarilganligi 
to‘g‘risidagi viza va belgilarini aniqlashga yordam beradi. Poraxo‘rlar 
o‘z jinoiy kirdikorlari izlarini yo‘q qila olmasliklari uchun hujjatlarni 
ko‘zdan kechirishni kechiktirib bo‘lmaydi.