Loyiha matni 49901-(61999)

257-modda. Moliya-xoʻjalik faoliyatini amalga oshirmayotgan tadbirkorlik subyekti-
yuridik shaxslarini Reyestrdan chiqarish
Tadbirkorlik subyekti-yuridik shaxslari harakatsiz holatda saqlanishiga uch yil toʻlganda
roʻyxatdan oʻtkazuvchi organ:
harakatsiz holatga oʻtkazilgan tadbirkorlik subyekti-yuridik shaxslar faoliyati tiklanmagan
taqdirda, uch ish kunida davlat reyestridan chiqarish toʻgʻrisida qaror qabul qiladi va bu haqida davlat

---

project.gov.uz
06.06.2022
130
reyestriga tegishli yozuv kiritadi;
tadbirkorlik subyekti-yuridik shaxsning muhri, shtamplarini (agar mavjud boʻlsa), shuningdek,
mavjud boʻlsa tovar belgisining roʻyxatdan oʻtkazilganligi toʻgʻrisidagi guvohnomani bekor qiladi. Agar
ularni topish imkoni mavjud boʻlmasa, uch ish kunida bekor qilinishi toʻgʻrisidagi maʼlumotlar
roʻyxatdan oʻtkazuvchi organ saytida eʼlon beriladi.
Reyestrga tugatish haqida yozib qoʻyilgandan soʻng tadbirkorlik subyekti-yuridik shaxsni
tugatish yakunlangan, tadbirkorlik subyekti-yuridik shaxs esa mavjud emas deb hisoblanadi.
Reyestrdan chiqarilgan tadbirkorlik subyekti-yuridik shaxsning bank hisobvaraqlaridagi
mablagʻlar tijorat banklari tomonidan besh ish kunida tadbirkorlik subyekti-yuridik shaxslarning pul
mablagʻlarini milliy va xorijiy valyutadagi yagona hisobvaraqlarida jamlaydi va hisobvaraq ochilgan
bank joylashgan tuman (shahar) mahalliy byudjetiga tegishli tijorat banki tomonidan oʻtkaziladi.
Harakatsiz holatda turgan tadbirkorlik subyekti-yuridik shaxs davlat reyestridan chiqarilgandan
soʻng uning soliqlar boʻyicha ortiqcha toʻlangan summalari mahalliy byudjetlarning daromadi
hisoblanadi.
VI BOʻLIM. TADBIRKORLIKNI DAVLAT TOMONIDAN QOʻLLAB-QUVVATLASHNING
ASOSIY YOʻNALISHLAR VA TURLARI
23-bob. Tadbirkorlikni davlat tomonidan qoʻllab-quvvatlash