Loyiha matni 49901-(61999)

261-modda. Tovarlarni kafolatlangan hajmda sotib olish
Davlat ilm-fan yutuqlariga asoslangan mahsulotni va ilgʻor texnologiyalarni kafolatlangan holda
sotib olish tarzida tadbirkorlikni qoʻllab-quvvatlaydi. Bunda ilm-fan yutuqlariga asoslangan mahsulotlar
va ilgʻor texnologiyalar belgilangan tartibda intellektual mulk muhofazasi sohasidagi vakolatli davlat
organi tomonidan muhofazaga olingan boʻlishi lozim.
Ilm-fan yutuqlariga asoslangan mahsulotni va ilgʻor texnologiyalarni kafolatlangan tarzda sotib
olish hajmlari va bahosi shartnomaga asosan tomonlar kelishuvi bilan belgilanadi.
Ilm-fan yutuqlariga asoslangan mahsulotni va ilgʻor texnologiyalarni kafolatlangan tarzda sotib
olish bilan bogʻliq davlat xaridlari Oʻzbekiston Respublikasining “Davlat xaridlari toʻgʻrisida”gi

---

project.gov.uz
06.06.2022
132
Qonunida nazarda tutilgan xarid tartib-taomillaridan oʻtmasdan amalga oshiriladi.
Kafolatlangan tarzda sotib olinadigan tovar (ish, xizmat)larning roʻyxatini shakllantirish va
tasdiqlash Oʻzbekiston Respublikasi Fanlar akademiyasi, vazirliklar, idoralar va boshqa manfaatdor
tashkilotlar takliflari asosida Oʻzbekiston Respublikasi Innovatsion rivojlanish vazirligi tomonidan
amalga oshiriladi.
Ilm-fan yutuqlariga asoslangan mahsulotni va ilgʻor texnologiyalarni kafolatlangan tarzda sotib
olish Oʻzbekiston Respublikasining manfaatlariga zid boʻlmasligi lozim.
262-modda. Byudjet ssudalari va kredit liniyalari
Tadbirkorlik davlat tomonidan byudjet ssudalarini ajratish va kredit liniyalarini ochish orqali
qoʻllab-quvvatlanishi mumkin.
Byudjet ssudalari va kreditlar Oʻzbekiston Respublikasining respublika byudjeti mablagʻlari va
qonunchilikka muvofiq boshqa manbalar hisobidan berilishi mumkin.
Byudjet ssudalari va kreditlarni berish qonunchilik hamda shartnoma bilan belgilanadigan
muddatlilik, qaytarish, maqsadli foydalanish shartlariga va boshqa shartlarga asoslanadi.
Byudjet ssudalari va kredit liniyalari rezident boʻlgan tadbirkorlik subyektlari-yuridik shaxslarga
Oʻzbekiston Respublikasi Prezidenti Oʻzbekiston Respublikasi Vazirlar Mahkamasining qarorlari asosida
joriy etiladi.
Rezident boʻlgan tadbirkorlik subyektlari-yuridik shaxslarga byudjet ssudalari bevosita
Oʻzbekiston Respublikasi Moliya vazirligi yoxud Oʻzbekiston Respublikasi Vazirlar Mahkamasi
tomonidan vakolat berilgan boshqa vakolatli davlat organlari tomondan beriladi.
Kredit liniyalari Oʻzbekiston Respublikasi Moliya vazirligi tomonidan rezident boʻlgan
tadbirkorlik subyektlari-yuridik shaxslarga ularga xizmat koʻrsatadigan tijorat banklari orqali, shuningdek
bevosita tijorat banklariga ochiladi.
Rezident boʻlgan tadbirkorlik subyektlari-yuridik shaxslarga ajratilgan byudjet ssudasi yoki
kredit liniyasi, shu jumladan foizlar byudjet ssudasini berish yoki kredit liniyasini ochish toʻgʻrisidagi
shartnomada belgilangan muddatlarda va hajmlarda oʻz vaqtida qaytarilmagan taqdirda Oʻzbekiston
Respublikasi Moliya vazirligi:
qarzni qarzdordan soʻzsiz tartibda undiradi;
har bir kechiktirilgan kun uchun muddati oʻtkazib yuborilgan qarz summasining 0,033 foizi
miqdorida penya hisoblaydi.
Bunda hisoblangan penya toʻlanishi kechiktirilgan qarzdorlikning yarmidan ortiq boʻlishi
mumkin emas.