Loyiha matni 49901-(61999)

272-modda. Tadbirkorlik subyektlarini infratuzilmaviy qoʻllab-quvvatlash turlari
Tadbirkorlikni infratuzilmaviy qoʻllab-quvvatlash bu tadbirkorlik faoliyatini tashkil etish va uni
rivojlanishi uchun umumiy sharoitlarni taʼminlash, shu jumladan tadbirkorlikni tashkil etishga
koʻmaklashish, yordam berish, huquq, marketing, muhandislik va menejment sohasida maʼlumot berish,
moddiy, texnik, moliyaviy va boshqa resurslarni tijorat asosida taqdim etishda koʻmaklashish uchun
yaratilgan kompleks yoki mavjud tashkilotlar majmuasi tushuniladi.
Tadbirkorlikni qoʻllab-quvvatlash infratuzilmasiga tadbirkorlikka koʻmaklashish markazlari,
biznes-inkubatorlar, kichik sanoat zonalari va innovatsion infratuzilma elementlari kiradi.
273-modda. Tadbirkorlikka koʻmaklashish markazlari
Tadbirkorlikka koʻmaklashish markazlari Oʻzbekiston Respublikasi Savdo-sanoat palatasi
tomonidan shaklida taʼsis etiladi.
Tadbirkorlikka koʻmaklashish markazlari quyidagi vazifalarni amalga oshirish uchun tashkil
etiladi:
zarur shart-sharoitlar yaratish hamda davlat organlarining va bozor infratuzilmasi subyektlarining
barcha turdagi xizmatlaridan hamda biznes-xizmatlardan bir joyning oʻzida foydalanish imkoniyatini
berish orqali tadbirkorlik subyektlarini har tomonlama qoʻllab-quvvatlash;
tadbirkorlik subyektlariga muhandislik-kommunikatsiya tarmoqlariga ulanishda, axborot bilan
taʼminlanishda, davlat xizmatlaridan foydalanishda (roʻyxatdan oʻtkazish, ruxsat berish, litsenziyalash
hujjatlarini va boshqa hujjatlarni olishda) koʻmaklashish;
biznes-rejalar ishlab chiqish, shuningdek lizing, sugʻurta va baholash xizmatlaridan foydalanish
uchun zarur hujjatlarni tayyorlash;

---

project.gov.uz
06.06.2022
138
moliyaviy, tovar-xomashyo va tabiiy resurslardan, muhandislik-kommunikatsiya tarmoqlaridan,
texnologik mashinalar va uskunalardan, ishlab chiqarish obyektlaridan foydalanishda, shuningdek yer
uchastkalarini olishda koʻmaklashish;
soliq solish, xodimlarni yollash, statistika, moliya, soliq hisobotlarini hamda boshqa hisobotlarni
topshirish, bank xizmatlari, binolar va xonalarning ijarasi va (yoki) ularni olish, shu jumladan davlat
mulki obyektlarini sotib olish sohasida maslahatlar berish;
xalqaro standartlarni va sertifikatlashtirish tizimini joriy etishda, kooperatsiya aloqalarini yoʻlga
qoʻyishda, shu jumladan tashqi savdodagi sheriklar bilan yoʻlga qoʻyishda, shuningdek tashqi iqtisodiy
faoliyatni amalga oshirishda koʻmaklashish;
tadbirkorlik subyektlari uchun tadbirkorlik faoliyatini tashkil etish hamda amalga oshirish bilan
bogʻliq boʻlgan masalalar boʻyicha davlat va xoʻjalik boshqaruvi organlari, mahalliy davlat hokimiyati
organlari, bozor infratuzilmasi subyektlari bilan ikki tomonlama va koʻp tomonlama muzokaralarni
tashkil etish.