Loyiha matni 49901-(61999)

117-modda. Tartibga solish shakl va vositalarini joriy etish shartlari

---

project.gov.uz
06.06.2022
51
Tartibga solish shakl va vositalari quyidagi shartlarni hisobga olgan holda joriy etiladi:
1) tartibga solish shakl va vositalari faqat davlat tomonidan tartibga solishning maqsadlari
doirasida joriy etilayotganligi asoslangan boʻlishi zarur;
2) alohida bozor subyektlari uchun, shu jumladan, kvazidavlat sektori subyektlari uchun turli xil
huquqiy rejimlar va talablar oʻrnatilishiga yoʻl qoʻyilmasligi orqali tadbirkorlik subyektlarining tengligini
taʼminlashi;
3) tadbirkorlik subyektlariga oʻz faoliyatini yangi talablarga moslashtirish uchun ularga yetarli
vaqt berilishi orqali prognoz qilish imkoniyatlarini taʼminlashi;
4) joriy etilayotgan tartibga solish shakl va vositalarining oqilonaligi va uni tadbirkorlik
subyektlari tomonidan bajarish imkoniyati mavjud boʻlishi;
5) tartibga solish shakl va vositalarni belgilaydigan normalar turli xil talqin qilinmasligi yoki
noaniqlikka yoʻl qoʻymaydigan darajada tushunarli bayon qilinishi.
Tartibga solish shakl va vositalarini joriy etish yoki amalda mavjud boʻlganlarini oʻzgartirish
ushbu moddaning birinchi qismida belgilangan shartlarga muvofiq normativ-huquqiy hujjatlar loyihalari
va qabul qilingan normativ-huquqiy hujjatlarni tartibga solish taʼsirini baholash doirasida amalga
oshiriladi.
2-§. Tadbirkorlik subyektlarining manfaatlariga taʼsir qiluvchi normativ-huquqiy
hujjatlarni qabul qilishning oʻziga xos xususiyatlari
118-modda. Tartibga solish vositalarini joriy etishga yoki kuchaytirishga qaratilgan
normativ-huquqiy hujjatlarni qabul qilishning oʻziga xos xususiyatlari
Davlat organlari va tashkilotlari tadbirkorlik subyektlari faoliyatiga nisbatan yangi tartibga solish
vositasini joriy etishni yoki uni kuchaytirishni nazarda tutadigan normativ-huquqiy hujjatlar loyihalarini
qonunchilikka muvofiq tartibga solish taʼsirini baholashdan oʻtkazishi lozim.
Yangi tartibga solish vositasini joriy etish yoki tartibga solishni kuchaytirish faqat vakolatli
organlarning tartibga solish taʼsirini baholash boʻyicha xulosalari mavjud boʻlgandagina amalga
oshiriladi.