Loyiha matni 49901-(61999)

111-modda. Ijtimoiy korxonalarning huquqlari
Ijtimoiy korxona ushbu Kodeksning 30-moddasida nazarda tutilgan huquqlar bilan bir qatorda
quyidagi huquqlarga ega:
ijtimoiy korxonalar reyestridan chiqarib yuborilganligining yoki kiritilmaganligining asoslab
berilishini talab qilish;
ijtimoiy korxonalar reyestriga kiritish haqidagi yoki kiritishni rad etish toʻgʻrisidagi, shuningdek
ushbu reyestrdan chiqarib yuborish haqidagi qaror ustidan qonunda belgilangan tartibda shikoyat qilish.
112-modda. Ijtimoiy korxonalarning majburiyatlari
Ijtimoiy korxonalar:
ijtimoiy tadbirkorlikni va ijtimoiy loyihalarni amalga oshirish uchun belgilangan tartibda taqdim

---

project.gov.uz
06.06.2022
49
etilgan davlat koʻchmas mulkidan samarali hamda belgilangan maqsadda foydalanishi;
soliq organlariga qonunchilikda belgilangan muddatlarda soliq hisobotlarini taqdim etishi;
oʻtgan moliya yilida olingan foydaning kamida uchdan ikki qismini keyingi moliya yili
davomida ijtimoiy korxonaning faoliyatiga yoki ijtimoiy loyihalarga reinvestitsiya qilish uchun
yoʻnaltirishi shart (bundan asosiy faoliyati favqulodda vaziyatlarga qarshi kurashishga
va ularning oqibatlarini bartaraf etishga qaratilgan tovarlar ishlab chiqarish, ishlarni bajarish va
xizmatlar koʻrsatishga oʻzgartirilgan tadbirkorlik subyektlari mustasno).
Ijtimoiy korxonaning zimmasida qonunchilikka muvofiq boshqa majburiyatlar ham boʻlishi
mumkin.
IV BOʻLIM. TADBIRKORLIKNI DAVLAT TOMONIDAN TARTIBGA SOLISHNING SHAKL
VA VOSITALARI
9-bob. Tadbirkorlikni davlat tomonidan tartibga solish
1-§. Tadbirkorlikni davlat tomonidan tartibga solish chegaralari
113-modda. Tadbirkorlikni davlat tomonidan tartibga solish maqsadlari
Tadbirkorlikni davlat tomonidan tartibga solish tadbirkorlik subyektlari tomonidan ishlab
chiqariladigan va realizatsiya qilinadigan tovarlar, bajariladigan ishlar, koʻrsatiladigan xizmatlarning
inson hayoti va sogʻligʻi uchun xavfsizligi, uning qonuniy manfaatlari himoyasi, atrof-muhit xavfsizligi
hamda jismoniy va yuridik shaxslarning mulkiy manfaatlari himoyasini taʼminlash, tadbirkorlikni
rivojlantirish uchun qulay shart-sharoitlar yaratish maqsadida amalga oshiriladi.