Loyiha matni 10604-(10604)

project.gov.uz
20.12.2020
11
полимер ва пластик массаларни, атир-упа ва пардоз маҳсулотларини
токсикология-гигиена жиҳатидан баҳолаш асосида уларнинг Ўзбекистон
Республикасига олиб кирилиши ва ишлаб чиқарилиши учун рухсатномалар
беради;
жамоат саломатлигини таъминлаш соҳасида потенциал хавф-хатарларни
аниқлайди, баҳолаш ва бошқариш жараёнида хавф-хатарларни таҳлил қилади
ва илмий асосланган ёндашувлар асосида озиқ-овқат хавфсизлиги соҳасидаги
сиёсатни амалга оширишга кўмаклашади;
Ўзбекистон Республикаси ҳудудида ўлатнинг табиий ўчоқлари эпизоотологик
мониторингини олиб боради, ўлат ва ўта хавфли инфекциялар бўйича
эпидемиологик назорат ҳамда профилактик ва эпидемияга қарши комплекс
тадбирлар амалга оширилишини ташкил этади, мувофиқлаштиради ва назорат
қилади;
санитария, гигиена, эпидемиология, паразитология, микробиология,
вирусологиянинг долзарб масалалари бўйича истиқболли йўналишларни
белгилайди ҳамда фундаментал ва амалий илмий тадқиқотлар олиб
борилишини мувофиқлаштиради;
барча ижтимоий гуруҳларни қамраб олган ҳолда фуқароларни санитария-
гигиеник ўқитиш ва тарбиялашни ташкил этишга қаратилган амалий чора-
тадбирларни ишлаб чиқади ва амалга ошириш орқали аҳолининг санитария
маданияти даражасини оширади;
тармоқнинг жорий ва истиқболдаги эҳтиёжларини ҳисобга олган ҳолда
кадрларни ўқитиш, тайёрлаш, қайта тайёрлаш ва малакасини оширишнинг
илғор усулларини тизимли асосда жорий этади;
республика ва маҳаллий эпидемия фондларидан ҳамда санитария-гигиена
тадбирлари ва эпидемияга қарши тадбирлар учун ажратиладиган моддий-
техника ресурсларидан, Агентликнинг бюджетдан ташқари моддий
рағбатлантириш ва ривожлантириш Жамғармаси маблағларидан мақсадли
фойдаланилиши устидан назоратни амалга оширади;
Агентлик муассасаларининг қарорларига, шунингдек уларнинг мансабдор
шахслари ҳаракатлари (ҳаракатсизлиги) устидан шикоятларни кўриб чиқади;
Қорақалпоғистон Республикаси, вилоятлар ва Тошкент шаҳар бош давлат
санитария врачларини тайинлайди.
Ўзбекистон Республикаси Бош давлат санитария врачи қонун ҳужжатларига
мувофиқ бошқа ваколатларни ҳам амалга ошириши мумкин.

---