Лойиҳа матни 58613-(59490)

4-боб. Абитуриентларни рўйхатдан ўтказиш
19. Тавсияномага эга бўлган абитуриентлар олий таълим муассасаларининг бакалавриат
таълим йўналишига ўқишга қабул қилиш учун амалдаги норматив-ҳуқуқий ҳужжатларда
белгиланган муддатларда Ягона интерактив давлат хизматлари портали ёки Давлат тест
марказининг расмий веб-сайти орқали рўйхатдан ўтади.
20. Тавсияномага эга бўлган хотин-қизларнинг имтиёзлари ҳақидаги маълумотлар Давлат
тест марказининг махсус дастури орқали рўйхатдан ўтиш жараёнида абитуриентнинг шахсий
кабинети (имтиёзлар бўлими)да шаклланади.
Абитуриентнинг шахсий кабинетида унга тегишли тавсиянома ҳақида маълумот мавжуд
бўлмаса Қўмитага мурожаат қилади.
5-боб. Абитуриентларнинг тест синовини ташкил этиш
ва натижаларини эълон қилиш
21. Тавсияномага эга бўлган хотин-қизлар учун кириш имтиҳонлари (тест синовлари,
касбий (ижодий) имтиҳон, ёзма имтиҳон) олий таълим муассасаларининг бакалавриатига қабул

---

project.gov.uz
12.04.2022
6
қилиш бўйича белгиланган тартибга мувофиқ амалга оширилади.
Кириш имтиҳонларида тўплаш мумкин бўлган энг юқори баллнинг
30 фоизи ва ундан кам бўлмаган балл тўплаган тавсияномага эга бўлган хотин-қизлар баллар
кетма-кетлигига қатъий риоя этилган ҳолда, камида беш йил меҳнат стажига эга бўлган хотин-
қизларнинг давлат олий таълим муассасаларининг бакалавриат таълим йўналишларига умумий
қабул параметрларидан ташқари тўлов-контракт асосида талабаликка тавсия этилади.
22. Тавсияномага эга бўлган абитуриентлар камида беш йил меҳнат стажига эга бўлган
хотин-қизларнинг давлат олий таълим муассасаларининг бакалавриат таълим йўналишларига
умумий қабул параметрларидан ташқари алоҳида тест синовлари натижаларига мувофиқ қабул
қилинади.
23. Танлов натижаларига кўра абитуриентлар Давлат тест марказининг махсус дастури
орқали олий таълим муассаларининг бакалавриатига ўқишга қабул қилиш бўйича рўйхатдан
ўтишда танлаган биринчи таълим йўналишига ўқишга қабул қилинади.
24. Танлов натижалари олий таълим муассасалари кесимида тақсимланган умумий қабул
параметрлари доирасида Давлат тест маркази томонидан рейтинг баллари кетма-кетлигига қатъий
риоя қилган ҳолда шакллантирилади ва Давлат комиссиясига киритилади.
25. Давлат тест маркази Давлат комиссиясининг қарорига мувофиқ талабаликка тавсия
этилган хотин-қизлар ҳақидаги маълумотлар бўйича танлов қайдномаларини олий таълим
муассасаларига тақдим этади.
26. Талабаликка тавсия этилган хотин-қизлар олий таълим муассасаси ректори (филиал
директори)нинг тегишли буйруғи асосида базавий тўлов-контракт асосида талабаликка қабул
қилинади.