Лойиҳа матни 58613-(59490)

project.gov.uz
12.04.2022
5
бўлимларида тузилган ишчи гуруҳлари фаолиятини ташкил қилади, мувофиқлаштиради, амалий
ва услубий кўмаклашади.
3-боб. Алоҳида квоталарни тақсимлаш ва тасдиқлаш тартиби

14. Қўмита Ўзбекистон Республикаси Олий ва ўрта махсус таълим вазирлиги ҳамда Давлат

тест маркази билан биргаликда ҳар йили 5 июнга қадар мутахассислиги бўйича камида беш йил
иш стажига эга бўлган хотин-қизлар учун ажратилган тўлов-контракт асосидаги 500 та алоҳида
квотани давлат олий таълим муассасалари кесимида тақсимлайди ва тасдиқлаш учун Ўзбекистон
Республикаси таълим муассасаларига ўқишга қабул қилиш бўйича давлат комиссиясига киритади.
15. Давлат олий таълим муассасалари кесимида тақсимланган алоҳида квота ҳар йили 15
июнга қадар Ўзбекистон Республикаси таълим муассасаларига ўқишга қабул қилиш бўйича
давлат комиссияси қарори билан тасдиқланади.
4-боб. Ўқишга қабул қилиш бўйича қабул параметрларини белгилаш
16. Қўмита ҳар йили 1 майга қадар ҳудудлар бўйича тавсияномага эга бўлган
абитуриентларни олий таълим муассасаларига ўқишга қабул қилиш юзасидан таълим шаклларига
асосланган таклифларни Ўзбекистон Республикаси таълим муассасаларига ўқишга қабул қилиш
бўйича Давлат комиссияси (кейинги ўринларда – Давлат комиссияси деб юритилади)га киритади.
17. Тавсияномага эга бўлган абитуриентлар Давлат тест марказининг махсус дастурига
киритилган олий таълим муассасалари кесимида тақсимланган умумий қабул параметрларидан
ташқари алоҳида тест синовларида иштирок этади.
Бунда умумий танлов (шунингдек давлат гранти асосида имтиёзлар) доирасида тўплаган
бали бўйича талабаликка тавсия этилмаган абитуриентлар орасида танлов амалга оширилади.
18. Қўмита Тавсияномасига эга бўлган абитуриентлар давлат олий таълим
муассасаларининг бакалавриат таълим йўналишларига умумий қабул параметрларидан ташқари
алоҳида тест синовлари натижаларига мувофиқ тўлов-контракт асосида ўқишга қабул қилинади.
Кириш имтиҳонларида Давлат комиссияси томонидан олий таълим муассасаларининг
бакалавриатига тўлов-контракт асосида ўқишга қабул қилишнинг минимал кўрсаткичидан кам
балл тўплаган талабгорлар танловда иштирок этмайди.