Лойиҳа матни 52425-(57385)

2022 – 2026 йилларда солиқ маъмурчилиги ва давлат
солиқ хизмати органларини ривожлантириш
СТРАТЕГИЯСИ
1-боб. Умумий қоидалар
2022 – 2026 йилларда солиқ маъмурчилиги ва давлат солиқ хизмати органларини
ривожлантириш стратегияси (кейинги ўринларда – Стратегия деб юритилади) солиқ
маъмурчилиги усулларини янада такомиллаштириш ва самарадорлигини ошириш, шунингдек,
солиқ органлари фаолиятини такомиллаштириш мақсадида ишлаб чиқилган.
Стратегия қулай бизнес-муҳитни шакллантириш, бизнес юритиш учун тенг шароит
яратиш, солиқ маъмурчилиги тизимини соддалаштириш ва такомиллаштириш, солиқ
органларининг таркибий ўзгартирилишини амалга ошириш, шунингдек, 2022 – 2026 йилларда
давлат солиқ хизматини ривожлантиришга қаратилган чора-тадбирлар комплексини ўз ичига
олади.
2-боб. Солиқ маъмурчилигининг ҳозирги ҳолати ва эришилган натижалар
Айни пайтда Ўзбекистон Республикаси Президентининг “Ўзбекистон Республикасининг
солиқ сиёсатини такомиллаштириш концепцияси тўғрисида” 2018 йил 29 июндаги ПФ-5468-сон
Фармонига мувофиқ ишлаб чиқилган, Ўзбекистон Республикаси Президентининг “Солиқ
маъмуриятчилигини такомиллаштириш бўйича қўшимча чора-тадбирлар тўғрисида” 2019 йил
10 июлдаги ПҚ-4389-сон қарори билан тасдиқланган Солиқ маъмуриятчилигини
такомиллаштириш стратегияси (кейинги ўринларда Стратегик ҳаракатлар режаси деб юритилади)
доирасида солиқ маъмурчилигини такомиллаштириш бўйича чора-тадбирлар амалга
оширилмоқда.
Стратегик ҳаракатлар режаси доирасида қуйидаги йўналишларда комплекс чора-
тадбирлар амалга оширилмоқда:
а) хизмат кўрсатишга йўналтирилган солиқ хизматларини ривожлантириш;
б) давлат солиқ хизмати органлари фаолиятини янада такомиллаштириш;
в) солиқ сиёсатини такомиллаштириш ва иқтисодиётда хуфиёна айланма даражасини
қисқартириш;
г) солиқ таваккалчиликларини баҳолаш тизимини жорий қилиш ва солиқ ҳисобини
такомиллаштириш;
д) давлат солиқ хизмати органларида коррупцияга қарши курашиш замонавий
усулларини қўллаш.
Стратегик ҳаракатлар режасининг йўналишлари доирасида қуйидаги тадбирлар амалга
оширилди: