Лойиҳа матни 52425-(57385)

5- боб. Стратегиянинг асосий йўналишлари
2022-2026-йилларга мўлжалланган Стратегияда белгиланган устувор йўналишлар
бўйича вазифаларни бажариш учун қуйидаги тадбирларни амалга ошириш кўзда тутилган:
1-§. Солиқ органларида хизмат кўрсатишнинг мижозга йўналтирилган усулларини жорий
этиш, инсофли тадбиркорлар фаолиятига кўмаклашиш, солиқ мажбуриятларини
бажаришнинг қулай,
тушунарли ва осон механизмларини яратиш.
1. Статистика органлари учун зарур бўлган маълумотларни олиш механизмини жорий

---

project.gov.uz
15.03.2022
10
этган ҳолда солиқ ҳисоботи шаклларини ишлаб чиқиш.
2. Солиқ тўловчиларга (жисмоний шахсларга) бевосита хизмат кўрсатиш билан
шуғулланувчи солиқ инспекцияларида мослашувчан иш режимини ўрнатиш.
3. Солиқ сирига киритилмаган маълумотларни кенгайтириш бўйича таклифлар ишлаб
чиқиш;
4. Халқаро экспертларни жалб қилган ҳолда Солиқ кодексига шарҳлар тайёрлаш.
5. Мунозарали вазиятлар, ўтказилган назорат тадбирлари натижалари, солиқ тўловчилар
томонидан йўл қўйилган кўп учрайдиган хатолар бўйича муҳокамалар ва шарҳларни, шунингдек
саволларга жавобларни расмий веб-сайтда эълон қилиш.
6. Солиқ органларини хизмат кўрсатувчи ташкилотга сифат жиҳатидан ўзгартиришни
янада чуқурлаштириш, хусусан:
а) электрон ҳисобварақ-фактураларга интеграция қилинган электрон товар-транспорт
юкхатларидан фойдаланишни кенг жорий қилиш;
б) электрон шартномаларни рўйхатга олиш бўйича махсус ахборот платформасида
шартномаларни электрон рўйхатга олиш платформасидан кенг фойдаланиш;
в) солиқ тўловчиларга кўрсатилаётган хизматлар сифати ва миқдорини оширишга
қаратилган “Солиқ-сервис” ДУК фаолиятини ўзгартириш бўйича чора-тадбирларни амалга
ошириш;
г) солиқ органлари томонидан солиқ тўловчиларга экстерриториаллик тамойили асосида
хизматлар кўрсатишни жорий этиш;
д) солиқ органларининг маълумотлар базасида мавжуд бўлган ахборотлар асосида солиқ
ҳисоботини автоматик тарзда тўлдириш амалиётини кенгайтириш;
е) солиқ тўловчиларга хизмат кўрсатишнинг ягона стандартларини ишлаб чиқиш ва
жорий этиш.
7. Солиқ тўловчиларнинг мурожаатларини, жумладан ортиқча тўланган маблағларни
қайтариш ёки ўтказиш масалалари бўйича мурожаатларини кўриб чиқиш жараёнини кузатиш
механизмини жорий этиш.