Лойиҳа матни 29707-(29720)

project.gov.uz
24.02.2021
5
қабул қилинган тақдирда аризачига кредит беришнинг рад этилиши сабаби кўрсатилган ҳолда
ёзма хулоса бериши лозим.
III. Кредит бериш, кредитни қайтариш ва банк фоизи тўловларини амалга ошириш
тартиби.
11. Бир вақтнинг ўзида икки ва ундан ортиқ фарзанди тўлов-шартнома асосида ўқиётган
оилаларга таълим кредити тижорат банклари томонидан Республика бюджетидан ажратилган
ресурслар ҳисобидан Қарз олувчининг ссуда ҳисоб рақамидан унинг шахсий ёзма топшириғи
асосида олий таълим муассасасининг ғазначилик шахсий ҳисоб варағига маблағ ўтказиш йўли
билан амалга оширилади.
12. Марказий банк, республика даражасидаги тижорат банклари билан биргаликда бир
вақтнинг ўзида икки ва ундан ортиқ фарзанди тўлов-шартнома асосида ўқиётган оилаларнинг
мурожаатлари асосида таълим кредитини расмийлаштириш учун Ўзбекистон Республикаси
Молия вазирлигига Республика бюджетидан молиявий ресурслар ажратиш учун ҳар ўқув йилида
ўрнатилган тартибда сўровномалар киритади.
13. Ўзбекистон Республикаси Молия вазирлиги ўз навбатида асосланган ҳисоб-китобларга
мувофиқ Республика бюджети маблағлари ҳисобидан тақсимотга кўра тижорат банкларига
молиявий ресурслар ажратади.
14. Таълим кредитлари бўйича маблағлар олий таълим муассасаларига тижорат банклари
томонидан кредит шартномасида қайд этилган шартларда ўқув йили мобайнида ўқиш учун
йиллик тўловнинг тўлиқ миқдорини белгиланган тартибда тенг улушларда тўрт қисмга бўлиш
йўли билан ўтказилади.
Бунда, белгиланган тўлов миқдорининг камида 25 фоизини талабаликка тавсия этилган
абитуриентлар учун 15 сентябргача ёки Ўзбекистон Республикаси таълим муассасаларига ўқишга
қабул қилиш бўйича Давлат комиссияси томонидан белгиланган муддатгача ҳамда иккинчи ва
ундан кейинги босқич талабалар учун 1 октябргача;
белгиланган тўлов миқдорининг камида 50 фоизи 1 январгача, 75 фоизи 1 апрелгача ва
100 фоизи 1 июлгача амалга оширилади.
15. Асосий қарз ва банк фоизлари қарз олувчи томонидан кредит шартномасида қайд
этилган шартларда тўланади.
Бунда, бир вақтнинг ўзида икки ва ундан ортиқ фарзанди тўлов-шартнома асосида
ўқиётган оилалар таълим кредитлари бўйича банк фоизларини ойма-ой тўлаб боради ва
кредитнинг асосий қарзини талабаларнинг ўқиш даври тугагандан сўнг, уч ой муддатдан кейин
бакалавриат таълим йўналишида таҳсил олаётган талабалар 10 (ўн) йил ва магистратура
мутахассислигида таҳсил олаётган талабалар 5 (беш) йил мобайнида қайтаради ва тегишли
бюджет параметрларида акс эттиради.
16. Таълим кредити берилгандан сўнг тижорат банклари кредит таъминланиши бўйича
шартномада кўрсатилган тартибда мониторинг олиб борадилар.
17. Бир вақтнинг ўзида икки ва ундан ортиқ фарзанди тўлов-шартнома асосида ўқиётган
оилаларнинг фарзандлари учун талабалар ўқиш даври тугамасдан талабалар сафидан чиқарилса,
таълим муассасаси раҳбарияти ректор (филиал директор)нинг буйруғи чиққан кундан бошлаб 10
иш куни мобайнида бу ҳақда банкка хабар бериши керак, Қарз олувчи эса ўз навбатида
белгиланган муддатда таълим кредити ва унга қўшилган банк фоизлари бўйича қарзларни тўлиқ
қайтариши лозим.

---