Лойиҳа матни 29707-(29720)

project.gov.uz
24.02.2021
2
Ўзбекистон Республикасининг
Бош вазири А. Арипов

---

project.gov.uz
24.02.2021
3
Вазирлар Маҳкамасининг 
2021 йил ___ _________даги
____ -сон қарорига
ИЛОВА
Олий таълим муассасаларида бир вақтнинг ўзида икки ва ундан ортиқ фарзандлари тўлов-
шартнома асосида ўқиётган оилаларга таълим кредитлари бериш тўғрисида
НИЗОМ
I. Умумий қоидалар
1. Ушбу Низом Ўзбекистон Республикасида фаолият кўрсатаётган барча олий таълим
муассасалари (давлат, нодавлат, қўшма таълим дастурлари ва хорижий давлатлар олий таълим
муассасалари филиаллари) да бакалавриат таълим йўналишларида ёки бакалавриат таълим
йўналишлари ва магистратура мутахассисликларида бир вақтнинг ўзида икки ва ундан ортиқ
фарзандлари тўлов-шартнома асосида таҳсил олаётган Ўзбекистон Республикаси фуқароларига
ўқиш учун тижорат банклари томонидан таълим кредитлари бериш ва уларни қайтариш
тартибини белгилайди.
2. Таълим кредитларини бериш Тижорат банклари томонидан, уларни қайтариш,
тўловнинг таъминланганлиги, муддатлилиги ва улардан мақсадли фойдаланиш шартлари асосида
белгиланган талабларга мувофиқ амалга оширилади.
3. Таълим кредитлари тижорат банклари томонидан олий таълим муассасаларининг
кундузги, сиртқи ва кечки бўлимларида бакалавриат таълим йўналиши ва магистратура
мутахассислигига тўлов-шартнома асосида қабул қилинган Ўзбекистон Республикаси фуқароси
бўлган талабаларнинг ўқиши учун талабаларнинг ўзларига, уларнинг ота-оналарига ёки
васийларига, (бундан кейин матнда «Қарз олувчи» деб аталади) берилиши мумкин.
4. Таълим кредитлари, олий таълим муассасаларида ўқиш даври ҳисобга олинган ҳолда,
бакалавриатга ўқишга қабул қилинган талабаларга 15 (ўн беш) йилгача, магистратурага ўқишга
қабул қилинган талабаларга 10 (ўн) йилгача бўлган муддатга берилади.
Муддатли ҳарбий хизматни ўташ даври бу муддатга кирмайди.
5. Бир вақтнинг ўзида икки ва ундан ортиқ фарзанди тўлов-шартнома асосида ўқиётган
оилаларга таълим кредитлари бўйича банк фоизлари кредит ажратилгандан сўнг кейинги ойнинг 1
санасидан бошлаб ойма-ой ҳамда асосий қарзларни тўлаш талаба томонидан олий таълим
муассасасида таълимнинг ушбу тури учун расмий белгиланган муддати тугаллангандан сўнг,
айрим курсларда такроран ўқиш муддати ҳисобга олинмасдан, уч ой ўтгандан кейин бошланади.
Талаба муддатли ҳарбий хизматни ўтаётган даврда таълим кредитлари учун банк фоизи
ставкалари ҳисобланмайди.