Лойиҳа матни 29707-(29720)

---

project.gov.uz
24.02.2021
1
ЕДИНАЯ ЭЛЕКТРОННАЯ СИСТЕМА РАЗРАБОТКИ И
СОГЛАСОВАНИЯ ПРОЕКТОВ НОРМАТИВНО-
ПРАВОВЫХ АКТОВ
Проект
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҚАРОРИ
Олий таълим муассасаларида бир вақтнинг ўзида икки ва ундан ортиқ фарзандлари тўлов-
шартнома асосида ўқиётган оилаларга таълим кредитлари бериш тўғрисида
VQL-854/21-2
2017-2021 йилларда Ўзбекистон Республикасини ривожлантиришнинг бешта устувор
йўналиши бўйича Ҳаракатлар стратегиясини “Ёшларни қўллаб-қувватлаш
ва аҳоли
саломатлигини мустаҳкамлаш йили”да амалга оширишга оид давлат дастурида  белгиланган
вазифаларни амалга ошириш, ёшларнинг таълим олиши учун янада кенг имкониятлар яратиш,
олий маълумот олаётган фуқароларни ижтимоий муҳофаза қилишни кучайтириш мақсадида
Вазирлар Маҳкамаси қарор қилади:
1. 2021/2022 ўқув йилидан бошлаб, қуйидагилар:
республика олий таълим муассасаларида бир вақтнинг ўзида икки ва ундан ортиқ
фарзандлари тўлов-шартнома асосида ўқиётган оилаларга республика тижорат банклари
томонидан имтиёзли таълим кредитлари бериш тартиби жорий этилсин;
Ўзбекистон Республикаси Марказий банки республика олий таълим муассасаларида бир
вақтнинг ўзида икки ва ундан ортиқ фарзандлари тўлов-шартнома асосида ўқиётган оилаларга
имтиёзли таълим кредитлари бериш учун тижорат банкларига ресурслар ажратиш юзасидан
Молия вазирлигига буюртманомалар тақдим этилишини йўлга қўйсин;
тақдим этилган буюртманомаларга асосан республика олий таълим муассасаларида бир
вақтнинг ўзида икки ва ундан ортиқ фарзандлари тўлов-шартнома асосида ўқиётган оилаларга
имтиёзли таълим кредитлари бериш учун тижорат банкларига Давлат бюджети маблағлари
ҳисобидан белгиланган тартибда мақсадли кредит ресурслари ажратилсин.
Белгилансинки, таълим кредитлари республикамизда фаолият кўрсатаётган барча олий
таълим муассасалари (давлат, нодавлат, қўшма таълим дастурлари ва хорижий давлатлар олий
таълим муассасалари филиаллари)да бир вақтнинг ўзида икки ва ундан ортиқ фарзандлари тўлов-
шартнома асосида таҳсил олаётган Ўзбекистон Республикаси фуқароларига, уларнинг ота-оналари
ёки васийларига берилади.
2. Олий таълим муассасаларида бир вақтнинг ўзида икки ва ундан ортиқ фарзандлари
тўлов-шартнома асосида ўқиётган оилаларга таълим кредитлари бериш тўғрисида Низом иловага
мувофиқ тасдиқлансин.
3. Ўзбекистон Республикаси Олий ва ўрта махсус таълим вазирлиги манфаатдор
вазирликлар ва идоралар билан биргаликда бир ой муддатда ўзлари қабул қилган норматив-
ҳуқуқий ҳужжатларни ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси олий ва
ўрта махсус таълим вазири А.Х. Тошкулов, молия вазири Т.А. Ишметов ва марказий банки раиси
М.Б. Нурмуротовлар зиммаларига юклансин.

---