Лойиҳа матни 17727-(18047)

36-модда. Давлат фуқаролик хизматчиларини рағбатлантириш
Давлат фуқаролик хизматчисига фаолият самарадорлигига эришилган натижадорлиги асосида
унга нисбатан қуйидаги рағбатлантириш чоралари қўлланилиши мумкин:
қўшимча устама ҳақи;
малака даражасининг навбатдан ташқари тайинланиши;
миннатдорчилик эълон қилиш;
қимматбаҳо совға ёки ёрлиқ билан мукофотлаш;
Давлат фуқаролик хизматчилари учун бошқа турдаги рағбатлантиришлар ҳам белгиланиши
мумкин.
Давлат фуқаролик хизматчиси алоҳида хизматлари учун қонун ҳужжатларида белгиланган
тартибда давлат мукофотига тақдим этилиши мумкин.

---

project.gov.uz
11.03.2022
21
37-модда. Давлат фуқаролик хизматчисига рағбатлантириш чораларини қўллаш
Давлат фуқаролик хизматчиларига нисбатан давлат фуқаролик хизматини ўтаётган давлат органи
ва ташкилотлари раҳбари томонидан, унинг бевосита раҳбари тавсиясига асосан рағбатлантириш
чоралари қўлланилади.
Давлат фуқаролик хизматчисига рағбатлантириш чораларини қўллаш масалаларини ҳал этишда
қуйидагилар инобатга олинади:
давлат фуқаролик хизматчиси томонидан ўзининг хизмат мажбуриятларини ижро этиш сифати,
хизматнинг давомийлиги ва бенуқсонлиги, ўта муҳим ва оғир бўлган топшириқларни ижро этиш
сифати, давлат фуқаролик хизматчиси фаолияти самарадорлиги ва натижадорлигининг баҳоси;
давлат фуқаролик хизматчисининг бошқа хизматлардаги ютуқлари.
Интизомий жавобгарликка тортилган давлат фуқаролик хизматчиларига рағбатлантириш
чоралари, унинг алоҳида хизматларидан қатъи назар, интизомий жазо қўлланилган кундан
эътиборан бир йил давомида қўлланилмайди, муддатидан олдин интизомий жазони бекор қилиш
ҳолатлари бундан мустасно.
38-модда. Давлат фуқаролик хизматида ўсиш
Давлат фуқаролик хизматида ўсиш юқори лавозимга кўтарилиш ёки юқорироқ малака
даражасининг берилиши билан амалга оширилади.
Давлат фуқаролик хизматчисининг хизматда ўсиши юқорироқ лавозим эгаллаши учун унинг
ҳислатлари ва хизматдаги ютуқлари етарлилиги бўйича ваколатли мансабдор шахс томонидан тан
олиниши асосида танловдан ташқари давлат лавозимининг юқорироғига тайинлаш йўли билан
амалга оширилади. Ваколатли мансабдор шахснинг давлат фуқаролик хизматчисини лавозимга
кўтариш тўғрисидаги қарори давлат фуқаролик хизматчисининг розилиги билан давлат
лавозимини эгаллаш учун давлат фуқаролик хизматчисининг малакавий талабларига лойиқ бўлган
тақдирда, давлат фуқаролик хизматчисининг фаолият самарадорлигини баҳолаш натижаларини
инобатга олган ҳолда, давлат фуқаролик хизмати тамойилларига амал қилган ҳолда қабул
қилинади.