Лойиҳа матни 17727-(18047)

project.gov.uz
11.03.2022
20
Юқори даражадаги давлат фуқаролик хизматчисининг фаолият режаси, давлат лавозимини
эгаллаш учун танлов жараёнида у томонидан таклиф этилган лойиҳа асосида тузилади ҳамда
ўзининг қўл остида фаолият юритувчи давлат фуқаролик хизматчиларига нисбатан давлат
фуқаролик хизматчисининг ташкилий-бошқарув фаолият чораларини назарда тутиши, шу
жумладан фаолиятни режалаштиришни бошқариш, ҳамда синов муддатида хизматни ўтаётган
давлат фуқаролик хизматчиларига мураббийлигини ўз ичига олиши лозим.
35-модда. Давлат фуқаролик хизматида фаолият самарадорлигини баҳолаш тизими
Фаолият самарадорлигини баҳолаш тизими давлат органи ва ташкилотининг ва уларнинг давлат
фуқаролик хизмати фаолиятининг самарадорлиги ва натижадорлигини баҳолаш комплекс
чораларидан иборат.
Давлат фуқаролик хизматчисининг фаолияти самарадорлигини баҳолаш предмети бўлиб ҳисобот
даври якуни бўйича у томонидан ўрнатилган индивидуал асосий самарадорлик кўрсаткичига
эришиш даражаси ҳисобланади. Ҳисобот даври давлат органи ва ташкилоти томонидан асосий
самарадорлик кўрсаткичининг хусусиятидан келиб чиққан ҳолда ўрнатилади.
Асосий самарадорлик кўрсаткичини ишлаб чиқиш ва тасдиқлаш ҳамда унинг прогнозли
белгилари баҳоланувчи ходим билан биргаликда унинг бевосита раҳбари томонидан кўриб
чиқилади.
Давлат фуқаролик хизматчисининг фаолият самарадорлигини баҳолаш уларни индивидуал асосий
самарадорлик кўрсаткичига эришиш даражаси асосида бевосита раҳбарлари томонидан кўриб
чиқилади.
Асосий самарадорлик индивидуал кўрсаткичининг эришилган даражасига қараб, давлат
фуқаролик хизматчисига қуйидаги баҳолардан бири қўйилади: “намунали”, “аъло”, “яхши”,
“қониқарли”, “паст даражада”, “қониқарсиз”.
Давлат фуқаролик хизматчисининг фаолият самарадорлигини баҳолаш тизимини татбиқ қилиш
тартиби асосий самарадорлик кўрсаткичи асосида давлат фуқаролик хизмати масалалари бўйича
ваколатли орган томонидан тасдиқланади.