Лойиҳа матни 13508-(15737)

6-боб. Турар-жой ҳудудларидаги ободонлаштириш

---

project.gov.uz
08.05.2020
25
1-
§. Жамоат жойлари
143. Турар-жой гуруҳлари, кичик туманлар, турар-жой туманларини шакллантирувчи жамоат
жойлари, турар-жой бинолари, болалар боғчалари, мактаблар, автотранспорт воситаларини
доимий ва вақтинчалик сақлаш жойлари турар-жой ҳудудларидаги ободонлаштириш
объектларига киради.
144. Турар-жой ҳудудларидаги жамоат жойларини пиёдалар коммуникациялари тизими, турар-
жой гуруҳлари, кичик туманлар ва умумий фойдаланиладиган яшил майдонларга хизмат
кўрсатиш муассасалари тизими билан шакллантириш лозим.
145. Турар-жой гуруҳлари, кичик туманлар, яшаш туманларига хизмат кўрсатиш муассасаларини
кириш жойларига майдончалар қуриш лозим. Фуқаролар кўп келадиган хизмат кўрсатиш
муассасалари (савдо марказлари, бозорлар, тиббиёт муассасалари, ички ишлар бўлимлари) олдида
автомобиллар тўхташ жойлари бўлиши керак. Турар–жой учун мўлжалланган ҳудудларда
жойлашган ички ишлар, ёнғин хавфсизлиги, тез ёрдам хизмати, бозорлар турли баландликдаги
металл тўсиқлар билан тўсилиши лозим.
146. Пиёдалар коммуникациялари ва хизмат кўрсатиш муассасалари майдончалари ҳудудида
қаттиқ қоплама турлари, юзаларни туташтириш элементлари, чиқинди қутилари (урналар),
чиқинди ташланадиган кичик контейнерлар, ёритиш мосламалари, ахборот ташувчилар каби
ободонлаштириш элементлари бўлади.
Қопламанинг ётқизилган плитка кўринишидаги қаттиқ турлари, шунингдек кўчма
кўкаламзорлаштириш, кўча техник жиҳозлари, ўриндиқлар, ташқи реклама воситалари, нокапитал
ностационар иншоотлар жойлаштирилиши мумкин.
147. Кўкаламзорлаштириш тизими ўз ичига пиёдалар ва транспорт коммуникациялари бўйлаб
яшил экинлар (газонлар, зич экилган дарахт ва буталар), турар-жойлар қурилиши участкасидан
ташқаридаги кўкаламзорлаштирилган майдонлар (спорт ўйинлари, итларни сайр қилдириш учун
ва бошқалар), ҳордиқ чиқариш объектлари (хиёбонлар, булварлар, кичик туман боғлари, турар
жой тумани парклари) киради.