Logistika

Boshqarishning turtib boruvchi va cho‘ziladigan (tortib olish) tizimlari. Ichki ishlab chiqaruvchi logistik tizimlar doirasida moddiy oqimlarni boshqarish ikkita prinsipial har xil usullar yordamida amalga oshirilishi mumkin: buyurtmani «turtib boruvchi» yoki «tortib olish» yo‘llari bilan.

Moddiy oqimlarni boshqarishning turtib boruvchi tizimi logistik zanjirning har bir bo⁵g ini uchun zarur xomashyo, materiallar va detallar zaxirasi miqdorini bashorat qilishga asoslanadi. Bu bashoratdan kelib chiqqan holda ishlab chiqarishning butun ko‘p bosqichli jarayonini boshqarish amalga oshiriladi, bu qayta ishlashning har bir bosqichida moddiy zaxiralarning asoslangan hajmini ta’minlashdan iborat. Moddiy oqimlarni boshqarishning bu tizimida mehnat predmetlari bir uchastkadan lkkinchisiga (texnologik jarayon bo‘yicha keyingi) uni qayta ishlashga tayyor- ligidan va bu detallarga bo'lgan ehtiyojdan qat’iy nazar, ya’ni maxsus buyurtmasiz ko‘chiriladi. Moddiy oqim ishlab chiqarishni boshqarishning markaziy tizimidan keladigan buyruq bo‘yicha qabul qiluvchiga «turtib boruvchi» bo'ladi (3.3-rasm).