Logistika” fanidan kurs ishini bajarish bo’yicha

4. Kurs ishini texnik rasmiylashtirish.

Kurs ishi A4 o‘lchamdagi qog‘ozda, qator oralari 1,5 interval, 14 shriftda, betdagi chegaralar chapdan 30 mm, o‘ngdan 15 mm, yuqori va pastdan 20 mm bo‘lishi lozim. Kurs ishining elektron varianti Microsoft Word dasturida Times New Roman redaktorida yozilishi kerak.
Kurs ishining tushuntirish qismi berilgan topshiriqqa mos holda ishning mazmunini qisqa va muayyan shaklda ifodalashi lozim. Unda grafiklar, rasmlar, diagrammalar, sxemalar keltirilishi mumkin.
Kurs ishi kompyuterda yoziladi va qog‘oz holatda topshiriladi, ishning umumiy hajmi 30-40 betgacha bo‘lishi talab etiladi.
Kurs ishining har bir bo‘limi muvofiqli asoslar, qarorlar va xulosalar bilan yoritiladi. Malakaviy ishda ilgari bajarilgan mustaqil ishlarning natijalari yoki boshqa mualliflarning (ilmiy ma’ruza yoki maqolalari, albatta, nomlari ko‘rsatilgan holda) ishlari aks ettirilishi yoki ulardan foydalanish mumkin.
Bet qo‘yish quyidagicha amalga oshiriladi: varaqlarni raqamlash pastdan ketma-ketlikka rioya qilgan holda 3-varaqdan (kirish) boshlab belgilanadi, ya’ni titul varag‘i va mundarijadan so‘ng titul varaq-1, mundarija-2, kirish-3.
Agar kurs ishida muallif ishga taalluqli bo‘lgan iqtibos(sitata)lardan foydalansa, u holda iqtibos olingan manbaning o‘ziga xos xususiyatlari to‘liq saqlanishi zarur: orfografiya, punktuasiya, abzaslar joylanishi, shriftlar ajratilishi. Iqtiboslar matnning ichida berilsa, qoidaga muvofiq holda qo‘shtirnoq “ ” ichiga olinadi. Iqtiboslarga havolalar matn ichida, satrlardan keyin va matn oxirida, asosan varaqning past qismida chiziqdan keyin berilishi mumkin.
Agar talaba iqtibos (sitata) bo‘yicha havolalarni ishning oxirida keltirilgan adabiyotlarga bersa, unda matnda bu adabiyotlarning tartib nomerlari ko‘rsatilishi kerak.

5. Kurs ishini himoya qilish.

Kurs ishini himoya qilish kafedra tomonidan tayinlangan komissiyasining ochiq majlisida amalga oshiriladi.
Himoya talabaning o‘z ishi yuzasidan tayyorlagan qisqa (10-12 daq.) ma’ruzasidan iborat. Ma’ruzada mavzuning dolzarbligi, foydalanilgan manbalarning xarakteristikalari, umumlashtirilgan xulosalar, muallifning bu masala yuzasidan qilgan fikr-muloxazalari va takliflari bayon etiladi. Illyustrasiya sifatida talaba oldindan tayyorlangan sxema, jadval, grafik, diagramma, rasmlardan foydalanishi mumkin. Dokladni tugatgach talaba komissiya a’zolarining savollariga javob beradi.