Lingvomádeniyat

LINGVIST / TILGE TIYISLI SHAXS. Reallıqtı sáwlelendiriw iskerligi, belgili bir maqsetke baǵdarlanǵan sóylew tuwındısın jaratıw hám qabıl etiw menen baylanıslı qábiletlerge iye shaxs, belgili bir tildiń jetik, úlgili wákili .

LOGOEPISTEMA (grekshe. logos-sóz, sóylew, táliymat+ episteme-bilim;N.D.Burvikova hámde V.G.Kostomarov termini) Belgili bir jaǵday yaki tekstke qaratılǵan hám ózinde mádeniy informaciyanı (xabar, maǵlıwmat) saqlawshı, usı informaciyanıń túsinikli bolıwı ushın recipient sanasında belgili bir til haqqındaǵı bilimlerden tısqarı, sol til iyeleriniń kózqarası, dástúrleri, úrp-ádetleri,oy-sanası hám ırımları haqqındaǵı maǵlıwmatlardıń da bar ekenligin bildiriwshi til birlikleri. Logoepistemalar sóz, sóz dizbegi, gáp hám tekst kórinisinde berilip, sóylewge tayar halında kiritiledi hám intertekstallıq kórsetkish wazıypasın atqaradı.