Lingvomádeniyat

MÁDENIY MIYRASXORLIQ. Belgili bir mádeniyat ushın áhmiyetli bolǵan mádeniy qádiryatlar hám informaciyalardıń áwláddan-áwládqa ótiwi.

MÁDENIY PROCESS. Mádeniy hádiyseler procesine kiretuǵın unsurlardıń óz-ara baylanıslılıǵı.

MÁDENIY QOR. Ol yaki bul mádeniyat wákili tárepinen iyelengen milliy hám ulıwma insaniylıq mádeniyatqa tiyisli bilimler toplamı.

MÁDENIY SANASÍZLÍQ. Shaxstıń jat mádeniy ortalıqqa túsip qalıwı nátiyjesinde payda bolatuǵın emocional sezim, sonday-aq, is-háreketlerine tiyisli qolaysız jaǵdaylar.
Mırzabaev Sapar –

Mánawiy kod Ádep-ikramlılıq qádiryatlar, belgili bir mádeniyatqa mas úlgiler, onıń áhmiyetli qarasları menen baylanıslı bolǵan kod. Mánawiy kodta basqa bárshe mádeniyat kodları sáwlelengen.

Mentalitet (lat.mens-aqıl, oylaw, pikirlew tárizi) Jámiyet, millet, topar yaki óz aldına shaxstıń tarıyxıy quramın tapqan oylaw dárejesi, mánawiy dárejesi, ekanomikalıq shárayatlarda qáliplesken aqılıy qábileti. Mentalitet milliy qádiryatlar, úrp-ádetler, diniy isenimdi de jámlep aladı.

Metafora(grekshe. kóshiriw) bir obiekt atın ekinshi obiektke uqsatıw tiykarında kóshiriw; koncepttuallastırıw túrlerinen biri. Metaforalar sóylewde sóz, birikpe, gáp hám tekst tárizinde sáwlelenedi.